واثقه بنفسي و قويه وجريئه ولكن .. أرتجف و أرتبك في بعض المواقف

سبحان الله نفس حالتي.
الحمد لله لما اتكلم يكون برهاني الي يدعم وجهة نظري اقوى ..و دايما الناس يقولون لي انك لا تخشين المواجهة و تعبرين عن رايك.. وبرغم حبي وثقتي بنفسي ولله الحمد ,زيك لما اتكلم و ابدي رايي او مشاعري ارتبك وارجف ودقات قلبي تزيد... فاخاف الانسان الي معايه يلاحظ.. وهذا يصير في المواقف الجدية.
لكن مشكلتي الاخرى في المحادثات العادية مع بعض الناس اذا طول الكلام ما اقدر اشوف فعينهم و احس شفايفي تضطرب مع اني ماني اكذب ولا شي خاصة اذا تكلمت عن مشاعري هالكلام لاحظته بكثرة اخر سنة.
ما ادري ايش فيني انا بعد قربت منتصف العشرينات ..
ان شاء الله يكون لنا حلول.. اسفة جدا طولت لكن تحمست في احد زيي و يدور حل.:7_5_131:
اللهم ثبتنا على دينك و ثبت قلوبنا على قول الحق

إحمدي لله رجفه تهون عند تغير في الصوت بالكليه أنا يتغير صوتي كأني بصيح

مع إن الله من علي بصوت جميل ندي كنت بالمتوسط جريئه وأطلع أقرا قرآن وكان الكل ينصت والمعلمات يمدحوا في صوتي لدرجه أن معلمات ياخذوني ع جنب واللي تقولي وش هالصوت الله يحفظك وتقعد تتفل خخخخ وتمدح وتبارك تقول مابي أصيبكك بعين والثانيه تقول إقرئي الأذكار لاتصيبك عين صووتك مرره جميل

ولكن ياحسره الحين أتمنى أتطلع أقرا قرآن ع اني الحين ثالث ثانوي بس ماأقدر أخاااف ويتغير ترتيلي ولا وأبشرك تطورت الحاله وترقينا وصرنا إذا حضرت مشرفه وطالبات تطبيق ولا مديره ماأعرف أرتل زي ماأنا والمعلمه والبنات نكون لوحدنا

نفسي أرجع زي أول جريئه ومرتزه بكل إذاعه حامت ككبود البنات مني يمكنها دعوة وحده من الملطعات في الطابور شافتني أطول بربره وصكتني بذيك الدعوه المستجابه خخخخخخ

ألا ليت الشباب يعود يوما فأخبره بما فعل المشيب <<<معليش شطحت

مع إني في الكلام وهيك أكون لبقه وجريئه ومهضومه لكن في الإذاعه أنلخم

حلمي أطلع في إذاعات أطلع في ملتقيات في حفلات دور التحفيظ يكون لي دور فعال في المجتمع إييه ياوخيتي تبين نصيحه واحنا زدنا همك هم <<<<والله متأثره بالحريم الكبار

الله يشفيك من الرجفه ويشفيني من الخباله الزايده إللي إجتاحتني <<مايمديك ع قناة براعم الفصيح خخخ

إنت عندك رهاب إجتماعي او هل سبق وعانيتي من إضطرابات نفسية ؟

نفس حالتي ،، الرجفه بيديني والخبط اذا احد يطالع فيني بااعجاب :(

كأنك تتكلمين ع نفسي بالضبط..
الحمدلله ظاهرياً جريئة و واثقة، و مظهري عموما طريقة مشيتي و نبرة صوتي فيها ثقة و كاريزما

كما يذكر لي المقربين



لكن في بعض المواقف يدي ترتجف لما احكي أمام جمهور من الناس



و أبشرك الحين صرت معلمة هههههههه



شخصياً أحاول اتعايش مع المشكلة، مثلاً أخفي يدي قد ما اقدر اثناء الحديث مع الآخرين،

أو امسك بشي ثقيل، أو اضغط على يدي و أنا ممسكة بأي شي ..
يوجد تطبيقات عديدة لمثل هذه الحالة ابحثي عنها في قوقل.



<.. اطبق هذه الاشياء اكثر شي لما اشرح لطالباتي..



و اللهم لك الحمد طالباتي كثير يمدحوا شرحي



أما في المناسبات الاجتماعية لم أعد احرص كثيراً ع كثرة الكلام أو اكوون محط الانظار يعني معد صار هذا الشي يهمني خصوصاً لما توظفت و حققت ذاتي و اللهم لك الحمد كما ينبغي لجلال وجهك و عظيم سلطانك


عموماً راح اتابعك معك هذا الموضوع لعلي استفيد : )