والحل مع اختـــــــــي

مرحبا حوائيات


كيفكم الله يباركم لكم ماتبقى من شعبان ويلغنا واياك رمضان بصحة وعافية:)



انا يابناااااااات احس اني هاليومين شوي مهمومة مع ان السالفة على قولة خواتي وامي موب مستاهلة


بس ضااااااايق خلقي منها واسأل نفسي ليش بالذات انـــــــــا:(


المهم حبيباتي عندي اخت من ابوي الله يهديها قولوا امين ماتحب تشوفين مرتاحة مستقعدة علي عالوحدة


مع اني وربي يشهد علي اذا جت اي مناسبة اقول لاخواتي لازم نقولها ونعزمها


اخرها حفلة النجاح حقت عيالنا المهم جااااااااات مبوزة ولا تشرب لا قهوتنا ولا شاهينا كل شيء


عندي الضغط عندي السكري ونقول مسكينة تعبانة بس اذا راحت لاحد ثاني تجلس تتفنجل لين تقول بس


وتأكل زفر مع انها تقول ممنوعة منها ونطنش بمزاجنا وامي تقول ماعليكم منها:09:


قبل 6شهور تقريبا ابوي صاااااااااح علينا وياعمري صار مقعد الله يشفيه تخيلو ماتجي الا كل 3 اسابيع


وابوي مخطر حيل ولا تتصل ولو اتصلت تقول الله يشفيه حتى انا تعبانة موب اهو بس


ولا همنا جت ولا ماجت اللي يجي من نفسه ولا بسلامتها


المهم اخر مـــــــــرة جت تخيلو تشيـــــــش امـــــــــي على ابـــــــــوي تقول حطوه بالمستشفى انتي موب


ملازومة فيه خلوا عنده هندي وش حادك لا يمـــــــــــوت عندكم ترى بيطلع بيتكم يوحــــــــــش ومن


هالكلام اللي يضيق الصــــــــدر والحمـــــــــــد لله امي ماسمعت كلامها وتقول بأخذ الاجر فيه


مع ان امي فيها اللي يكفيها راعية قلب وضغط وسكر بس جابت لها شغالة تقوم بالبيت وامي تراعي ابوي


وهو ليله مع نهاره يدعي لامي


طبعا ماانكر ان اخواني ماقصروا بس موب مثل امي تغسله وتؤكله وتشربه وتلبسه الله يأجرها


اختي من النوع اللي جافة بتقولون يمكن محسسينها انها غير عنكم بقول ويشهد ربي ان امي عادتها مثل اختها


لآنها كبيرة موب صغيرة من عمر امي وحنا عادينها مثل الام نحترمها ونقدرها ونوجبها


اي شيء يصير لنا تشمت واذا صار عندنا فرح بالعكس تتضايق اول مانخطبت امي قالت لها


ابشرك تفاحة انخطبت وقدموا لنا الشبكة قالت الله يوفق المسلمين ماتدرين يمكن يهونوا تقصد خطيبي:44:


والحمد لله اللي خيب ظنها مواقفها كثيرة لو تزعل مع وحدة من خواتي تخلي بنتها تتصل فيني


وتغسل شراعي مع اني مالي دخل في الموضوع وفي بيتي:icon33:


اخر موقف وهو اللي اثر فيني وصارت الوساوس تلعب بي لانه مايخصني


يخص قريبي المهم قريبي هذا خطب بنت حمااااااااااي وانا اللي دليتهم على البنت:42:


طبعا قبل سألت خواني عنه وشرأيك بفلان ومدحوه لي ولا كان ماتجرأت وخطبت لها


وامه هي اللي تقرب لي وتخاف الله وفيها دين


المهم اختي هذي يوم عرفت كانت عندنا صارت تقول اصلاً فلان مابقى بيت ماخطب منه مااحد بغاه


وفيه بناااااااات عليهم الكلام وجميلات وسنع ردوه


قلت لها والله فلانة روعة ادب واخلاق وحلوة وتشوفينها والجمال موب كل شيء


قال لاخوي لو تشوف فلانة تقصد بنت عمهم هم الكل يتمناها جمال ودلال اخوي فيس مستغرب


كأنه يقول وش دخل


المهم طول الوقت فلان مابغي ولا احد عطاهم بنتها:(


انا ضاااااااااق صدري لا يكون الولد فيه شيء ولا احد عرف عنه ويوم جت تطلع اختي تروح


سلمت على كل خواتي وامي وزوجة اخوي وانا قدامه تركتني:icon33:ماصافحتني زيهم


طيب انا وش ذنبي هذا نصيب وقريبي هذا لو يبي اخذ بنتها يعني قدام عيونه وصعب اقول هذي فلانة وهم يعرفونها


ليش تحقد علي انا بالذاااااااااات


سألت بنت حماااااااي قلت عساكم سألتوا


عنه قالت اي ومتوقعة ابوي يزوجني كذا ياتفاحة قلت لا زيادة حرص اسألك واسألها كل شوي استخرتي


لانهم تملكوا وخلصوا:icon33:


يابنااااااااات انا مرة خااااااااايفة لا يكون الولد راعي خرابيط مع ان حماااااااااي سأل عنه وعن اهله والكل


يمدح فيه ولا هو راعي سفريات ولا خربطة بس اختي ووسوست بي


صدق اذا قالوا امشي في جنازة ولا تمشي في جوازة:icon28::


ادعوا ان الولد يصير كويس لان حمولتي نااااااااااس مرة طيبين ومايستاهلون الا الطيب


والله يهدي اختي ويهجدها عني شوي


ويشفي ابوي ويخلي لي امي ويجزاها خير الجزاء يارب العالمين