والحل مع ام زوجي ؟؟ ارشدوني

السلام عليكم
خواتي حابه اطرح لكم مشكلتي واتمنى القى لها حل عندكم
مشكلتي ان زوجي تضغط عليه امه انه يروح كل سنه لمكه وقت الحج بدوامه حمله ،، لانه يعطونه مكافاءه بعد مايروح وامه تبيها تاخذها 
وزوجي كل سنه يروح شهرين كاااملات وهالسنه شهر ونص
يروح ويتركنا انا وعيالي عند اهلي كل هالفتره 
وامه جالسه ببيتها متربعه بين عيالها وبعد مايجي وتنزل له المكافاءه تاخذهااا كلها ولا تبقي لنا ولا ريااال مع اننا والله العظيم اننا محتاجين لدرجه اني بعض مصاريف عيالي انا ادفعها
الحين هو راح لمكه وتركنا عند اهلي ولا اعطاني مصروف لعيالي واعطى امه الفين ريال تبي تفصل مجلس جديد
انقهرررت ليش مايعطي عياله مصروف وامه تكشخ بمجلس جديد على حساب عيااااله
والله العظيم ماااهو حسد لها هاذي امه يعطيها بس مو يقصر علينا
ايهم اهم حليب وحفايظ عياله او المجلس
انا الحين متضااايقه عند اهلي مااني ماخذه راحتي وعيالي ملاقيف وابي اجلس ببيتي بس هو رافض يقول اجلسي عند اهلك
 هاذي خامس سنه يروح ويتركنا 
واذا رجع كل الخير والفلوس تروح لامه وانا مالي الا التعب 
وزوجي شخصيته جدا جدا ضعيفه قدام امه مايقدر يقول لها لا
وش الحل ؟؟ تعبت