والحل مع شغالتي أرجو الرد

سلام حوائيات شو الأخبار
أنا عندي طفل بعمر٤ أشهر واضطريت اجيب شغاله تساعدني.. خاصه اني موظفه. المهم استعجلت واخترت شغاله هنديه وجاتني وصار لها شهرين والله اني فحاله اكتئاب منها..
التنظيف ما تعرف تنظف وياما علمتها ولكنها تتغير شوي وترجع لعادتها.. يعني اذا بتنظف الحمام بتغسل الحوض بالصابون وباقي الحمام ترشه بالماي.. ويبين وسخ واجلس اهاوشها وهي بارده مبرده..
نفس القصه في تنظيف الغرفه.. تعبت وانا أراقبها وأخلي ولدي الرضيع يبكي عشان اجلس اعلمها يوميا..
مع اني ساكنه فبيت أهل زوجي وعندنا غرفه وحمام فقط والحمام صغير.. وغرفه وحده وغرفه وحده وما تعرف تنظف.. واذا نظفت ما تنظف الزجاج والكبت تجلس تخم عالسريع كنها تخم الهواء.. وكم مره اعلمها واهددها بقص الراتب وتخاف وتتعدل وترجع لحالتها..
والطبخ طبعا في طباخ فبيت أهل زوجي.. يعني شغالتي بس تغسل ملابسنا وغرفه وحمام صغير وطبعا مب يوميا تنظف الغرفه اما الحمام اخليها يوميا تغسله ولكن تنظيفها عالفاضي بس أشم ريحة صابون اتاريها تحط صابون فمكان وتشطفه الغشاشه..
والملابس كم مره اعلمها انه ما تخلط بين ملابس الاطفال وملابسنا وبعدها تخلط فالغساله..
وولدي عمره٦ سنوات لما يدخل الحمام ويريد مساعده لما اخليها تساعده تكب عليه ماء ساخن عمدا عشان مره ثانيه ما تساعدني فعيالي..
صارو عيالي يكرهونها..
والمكتب كلمناهم عشان يبدلوها ولكن هم يريدونا نحطها معهم ولكن ما حصلو البديل..
شغاله جبتها عشان ارتاح وجابت لي الهم حسبي الله عليها
شو الحل بنات؟
وع فكره وايد تنسى ونسيانها غريب الصراحه.. صرت اخاف تنسى طفلي لما اداوم يعني بضطر نسوي شغله ونأخذها هي وطفلي بيت امي وامي روحها تعبانه..
أنا ندمت اني اخترت هاذي الغبيه وخسرت مبلغ عليها حسبي الله عليها..