والحل مع هالادمي

مرحبا بنات ساعدوني طفشت مليت من زوجي قهرني مدلع بشكل غير طبيعي ما ينقال له لا امه مدلعته وخلاص تعود كلمته هي اللي تمشي اذا تزاعلت انا واياه يروح لامه عاد امه هنا تستغل الوضع تمدحه وتمدح اخلاقه واانه صح وان كل شي يقوله ميه ميه المهم زوجي من النوع اللي حريص على فلوسه يعني يالله يعطيني اللي يكفيني فقط 100 او200 ريالب بالشهر المهم سويت عمليه قبل 5 سنوات مارضى يجيب لي خدامه يخيليني اكرف ومايراعي حالتي ووضعي الصحي الحين تعبااانه مره الدكتور يقول لازم ماتتحركي كثير طلبته يابن الحلال جب لي خدامه يقول ماتلزمك كيف ماتلزمني والدكتور يقول الحركه قلليها واحيانا يقول لي انا اخاف من الخدامات اللي بالشهر مااظمنها انها تكون مريضه اوفيها بلاء امنا بالله طيب قدم خدامه يقول لا مصاريفها كثيره وماني فاظي عاد امس انفجرت حرام م عليك انا اكرف واتعب ولا حتى مساعده حسبي الله ونعم الوكيل انت ماترحم انتي مافيك خير وكلام كثير زعل وطلع من البيت ومارجع الا اخر الليل واليوم مايكلمني طيب انا مريضه ابي احد يواسيني يقوم معي يساعدني ما يخليني ويطلع يسهر وينبسط طفشت قمت اكلم الجدران مالي خوات ولا عمات سنعات ولا خالات ولا صديقات ماعندي الا عيالي وحاطه حرتي فيهم شسوي مع هاللادمي