والله تعبانه دخيلكم انصحوني

السلام عليكم ورحمة الله وبركاته .
بنات أنا دايما وياكم في هالمنتدى الرائع بس طبعا بدون ما أشارك ... كنت أقرى وأستفيد من نصايحكم ومرات وااايد أتعقد من المشاكل الي أقراهاا بس فوق كل هذاا لازلت مواضبه اني أدخل المنتدى هذا في اليوم أكثر من ثلاث مرات .
بنات أنا بقولكم مشكلتي وأبي النصيحه منكم . أدري انكم بتلوموني وبتهزئوني بس والله العظيم كل الي قاعد يصير مو بيدي ياابنات. أنا بختصر لكم سالفتي وأبي النصيحه حتى لو كانت جارحه وأبي منك الدعاااااااااااااااااء الله يخليكم لا تردوني ..
بنات أنا قبل سنتين كنت في اجازة صيف وكنت وحيده وملانه وأعز ربعي كانت مسافره :( وكنت أحس بالملل والفراغ وكانت هذه أول مره أدش فيها شااااااااات وياليتني ما دخلت والله اني أعض أصابع الندم من هااك اليوم ... المهم دخلت وكنت أسولف ويه الكل عااااااادي وما أعطي اهتمام حق أحد وكنت أقول في بالي هذه تفاهات بس كان فيه وااحد ما أدري ليش عجبني أسلوبه وسوالفه ويااي فطنشت الكل وقمت أسولف ويااه هو بس وتواعدنا انا وهو ندش مره ثانيه نفس الشات باليوم الثاني وظلينا على هالحال يمكن أسبوع وعقب عطاني رقمه وأنا طبعاا قعدت أضحك وسألني عن السبب فقلت له أنا مب شرات كل البنات الي تعرفت عليهم قالي والله اني ارتحت لج وأنا ماابي شي منج فرفضت اني ادق له من موبايلي بس في نفس الوقت كان خاطري اسمع صوته فوعدته اني رح أكلمه من تلفون ثاني المهم قطعته تقريبا اسبوعين عسب كنت أتجهز للجامعه ولما رديت الجامعه دقيت له وعرفني على طوووووووووووووووول وقالي والله كنت أترياج وتمينا على هالحال أكلمه تقريبا أسبوعين من كباين الجامعه لين ما وثقت فيه وعطيته رقمي .... وقمنا نسولف دايما حسيت اني حبيته بس والله كنت أكلمه بكل أدب وما بينت له مشاعري وهو نفس الحاله ما بين لي شي وبعد ما كملنا تقريبا 6 شهوووور قالي فلانه أنا أحبج خلاص تعبت والله العظيم أحبج أنا انحرجت وسكت صح اني كنت مستانسه سألته قلت له كيف تحب وحده وانت ما جفتهاا ولا مره قالي والله العظيم شخصيتج عيبتني وأسلوبج أنا ما يهمني الشكل وخلال هالمده أنا بعد قمت أحبه وحبيته من قلبي والله وكنت خاشه على ربيعتي اني أعرف وااحد لين ما يه اليوم وزختني وقلت لهاا كل شي قمت تقولي ليش يا فلانه أنا ما توقعتها منج ومن هالسوالف مع العلم هي كانت تحب وااحد وهو يحبها وأنا ما اعترضت ولا كنت اتدخل في حياتهاا بس هي واااااااااااااااااااااااااااايد كانت تقولي ودريه هذا يقص عليج ومن هالسوالف وهو يا حليله كان يقولي أنا بتقدم لج أنا أبيج بالحلال ما أتحمل أجوفج حق غيري بس أنا كنت أرفض وكنت أقوله اصبر شوي لأني كنت خايفه من رد أهلي لانه كان أصغر مني بسنتين بس والله العظيم كان ما شاء الله عقل ورزانه وبعض الاحيان أحسه أفهم مني بوااااااااااايد والله يا بنات انه عرفني على أمه وكانت وااايد تحبني وكنتأستحي منها وكانت تقولي لا تستحين انتي مرت ولدي :arb: ومن يوم ما عرفت ربيعتي بسالفتي ويه الريال بدت المشاكل بيني وبينه والسبه هي كانت كله تقولي ودريه يقص عليج وأنا كنت أصدقهاا وفي يوم قلت له خلاص أنا انخطبت وما أقدر أستمر ويااك والله يا بنات انه انهار وتعب وأمه كلمتني وتترجاني اني ما أضيج بولدهاا طبعا هي ما عرفت اني قصيت على ولدهاا وقلت له أني مخطوبه بس والله العظيم يا بنات كنت من داخلي مضايجه حييييييييييييييييييييل ... المهم مرت الايام وكانت عندي ربيعه ثانيه تحب وااحد وهي كانت تشتغل وعندهاا دوره يعني ما تقدر تكلم هالشخص الا في الويك اند فهو قال حقهاا أنا ما اروم أصبر عنج دخيلج أبي أشكي همومي حق حد وبما أني كنت ربيعتها المقربه قالتلي فلانه دخيلج اسمعيه أنا رفضت في البدايه قلت لها انتي ما تغارين عليه قالت والله أغار بس صدقيني هو يبى حد يشكيله ويسمعه فوافقت بعد الحاح طبعا... فكلمته وقعد يسولف لي عن ربيعتي وكيف يبي يعيشها وما يقصر فيها وكان يسألني شو تحب ومن هالسوالف وعلى فكره هو تقدم لهاا بس أهلهاا رفضوه لانه ما قدر على كل طلباتهم بس كان مصر انه يجمع وياخذهاا لانه يحبهاا مووووووووووت ... وعلى فكره في نفس الوقت الي كنت أكلم فيه الشخص الي يحب ربيعتي كنت أكلم الريال الي أحبه .... والسالفه استوت من هني انا قلت حق ربيعتي الاولى اني انا اكلم فلان وأنا مضايجه حيل من الي اسويه لاني قاعده أخون الريال الي حبني فقلتلها اني رح أقوله بها الشي وارتاح وأنا أدريبه انه بيعصب لانه انسااااااااااااااااان غيوووووووووووور ما يحب حتى الهوا يسمع صوتي المهم ربيعتي العزيزه تعرفت على الانسان الي أحبه وحبته وأنا ما كنت أدري ووصلت له كل شي وقالت له أنه انا قاعده أخونه وأني مش مخطوبه وقالت له كل شي وهو يا حليله تحطم وواتصل فيني وهزئني وشتمني وأنا ساكته لاني كنت أدري اني غلطانه طلبت منه السماح وبالمووت لين ما رضى علي حاولت أفهم منه منو الي خبره بهالسوالف قالي انتي كل حركه تسوينهاا انا اعرفهاا والله يا بنات أنه أسلوبه تغير عل واايد وأنا ما كنت أدري أنه ربيعتي كانت توصل له كل سوالفي وكانت تكرهه فيني يوم عن يوم والله حاولت اني ابتعد عنه وأكرهه بس ما قدرت حاولت أني أودره بس ما قدرت والله اني يا بنات كل يووم ضيجه وصيااح تعامله وااااااااااااااايد تغير علي وأسلوبه بعد مع أنه في أيام والله العظيم يحسسني فيها بالحب والحنان ويخاف علي اذا تعبت ويعتذر اذا كنت انا الغلطانه وعقب يرد يجلب علي من اول ويديد والله يا بنات احترت شو أسوي خاطري أودره خاطري أبتعد عنه بس ما ادري ليش ما اقدر مع انه قالي أنا مستحيل أتقدم لج من بعد اللي سويتيه قلت له والله اني راضيه بس خلني وياااك لا تودرني والله يا بنات ما ني عارفه شو أسوي أحس بالذل والاهانه وفوق كل هذا بعدني أحبه دخيلكم ساعدوني .... صرات واااااااااااايد أدعي رب العالمين انه يكرهني فيه وينزع حبه من قلبي صرت الحمدالله أقرى قرأن وسبحان الله كل ما أقرى وأخلص ألاقيه هو متصل فيني ويكون حنون علي وميت من الشوق فيني استغرب أقول يا ربي شو اللي صار هل رب العالمين يبى يقرب من بينا مره ثانيه والا شوو ... والله يا بنات احترت والله هلكت من الصياح والتعب والضيجه ما أدري شو أسوي دخيلكم انصحوني ولا تنسوني من دعواتكم ...
وسامحوني على الاطاله أدربكم مليتواا بس والله مالي غيركم أشكيله