والله تعبت ... عمتي تغار مني !!!!

السلام عليكم

يا بنات فيه موضوع متعبني على الاخر لسه ست سنين و لا بعد من قبل بس انا ما كنت حاسه و لو تتخيلون وشو ما تصدقون .... !!

عمتي يا بنات ..عمتي اكبر مني بـ 5 سنين و والله طول عمري احبها مرررررررررره لدرجه اني كنت احبها اكثر من اختي الكبيرة .. و بعد ما تزوجت اكتشفت يا بنات انها تغار مني .. و لدرجه مو طبيعية و الحين لما افكر بحركاتها قبل اقول انا غبية كيف ما كنت حاسه بالشي هذا !!!

بس ما كنت متوقعه ان فيه عمه تغار من بنت اخوها

هي كان وضعها صعب مررررررررره عند عمامي ... يعني بمعنى اصح مقبووورة ..لا تروح و لا تجي و السوق بطلعة الروح و و و من الاشياء هذي... و ضرب و مشاكل

و ما كانت تبين انه للدرجه هذي مدري يمكن لاني صغيرة ما افهم ..ما ادري وش القصه يعني ما عرفت انها ما تقدر تطلع للمزرعه الا لما هي قالت لي قبل فترة ...

و كانت قبل تقول لي لما نعمل انا و اياها نفس التسريحه فكيها ما ابي انا و اياك و انا كنت اقول ليه بالعكس يطلع شكلنا حلو ... انا و الحمد لله جمييييييييلة و بنعومه بعد ... و الحين اكتشفت انها ما تبي نطلع انا و اياها بنفس التسريحه علشان ما يقارنون بيني و بينها وكنت حتى لما احد يشبهني عليها اطييييييييييييير من الفرحه و اقول لها و الحين لما يقولون لها هذي تشبهلك "انا يعني" تقول شفتي هذي قالت اني اشبه لك "يعني مو بس انت حلوه و الا تراك عادية مو للدرجه اللي انت متخيلتها "!!!!!!!!!!!!!!!!!!!!!!!!!!!!!!!

وو الله يا بنات ان ذوقي يجننننننن والله و معروف عند الناس كلهم حتى زوجة عمي و انا بالمتوسط لما تزوجت قالت راح اخذك معاي علشان تأثثين بيتي ..تخيلوا بالمتوسط و تبيني أساعدها بالبيت .. و جسمي و الحمد لله حلو حتى دائما و للاسف انه قدامها يقولون جسمي احلى من عارضات الازياء... و طلعت هي تخزن بقلبها ...

طبعا هي قبل ما كانت تقول شي بس يا بنات من لما تزوجت طلعت كللللللل اللي بقلبها و الله يا بنات انها حتى تقول لي اصلا انت ذوقك مو حلو و الكل يتكلم يقول انه يفششششششششششششلللللللللللللللللللللللللل و الكل يتكلم به حتى اسالي اللي تبين !!


و الله اني بس اقول لها ترا البلوزة هذي مو مره حلوه لو تغيرينها مثلا و تلبسين لون ثاني ...يعني والله بس اعلق و الا اعطيها نصيحه تطلع كلللللل اللي بقلبها و الله انها قبل تلبس من عندي و تنهبل على لبسي و شكلي .. و الله ان بنت عمتي قالت لي انها تنقهر انكم حتى تقولون ماما و بابا مو يمه و يبه . تخيلوا !!!! و الله انصدمت انصدمت انصدمت

قبل و الله كانت تقول ايدينك حلللللللوه و يا ليت ايديني مثلك و الحين لو حطيت ايش لدرجه اني اخواني الرجال يمدون الشي و هم ما ينتبهون يعني و هي والله و تشوف و تصد و لا يمكن تعلق

و المشكله مو كذا الحين اذا احد مدحني والله يقلب لونها و احيانا انا اسمع الناس يمدحوني و لا توصل لي بكيفها ما همني والله بس ليه هي عمتي ..حتى زوجة عمي قالت لامي مره بعد ما مدحتني شفتني نظراتها لبنتك كيف ؟؟

و يا ليت هنا و بس الحين حنا عندنا سواق من لما كنت بالابتدائي و الحين انا متخرجه و ابوي يخاف علينا مررررررررره يعني اغلب طلعاتنا لازم معنا اخوي و الحين لما كبرنا ممكن نطلع انا و اختي لحالنا بس يكون بالنهار اما بالليل يرفض...
هي جابت سواق و زوجها يخليها تروح معاه يا بنات تضحك علينا و تقول بتريقة يللا اشوف ليه ما تروحون مع السواق... المشكلة انها قوية و انا ما اقدر ارد عليها كذا .. و بس تعلق على ان ابوي شديد و هي على كيفها ..طبعا هذا كله كان مو مبين و لا شي منه قبل لما كانت بنت ببيت عمامي ..لانها ما كان بيدها شي...

عارفين حتى السفر يا بنات حنا الحمد لله من و انا صغيرة نسافر برا لامريكا و لاوروبا المهم انقطعنا فترة طوويله ز بعدها صرنا نروح لدول الخليج .. و زرنا دبي مرتين و العام كنا نبي نسافر لماليزيا و لما قلت لها ترا راح نسافر قالت وين لا يكون لدبي " تقولها بتريقة و بضحكة صغيرة على الجنب " انا قلت لها لا لماليزيا ... عاد هي بعدها قالت زوجي قال لي وش رايك نسافر لسويسرا ...!!!

احيانا احس انها طفلة على الرغم من ان عمرها قرب لـ 30 بس والله تعقدت و هي كل اسبوع عندنا و تجلس كل الويكند و مو كذا بس ما اقدر اتكلم معاها لانها تحس ان كلامي كله فلسفة ووالله اكون ما اقصد شي بس تقول يا شين الفلسفة ...تعبببببببببببببببت منها و من غيرتها و ما ادري وش الحل و مو كذا
الحين لو حطيت ماسك على وجهي عادي قدامها نشرت عند الناس اني بس خلطات و كريمات و و و و ان بشرتي هذي مو طبيعية و انا اصلا اكون حاطته مزاج كذا و شعري نفس الشي تخليه كأنه مقطع و ما معدله الا هالزيوت... و نفس الشي الريجيم ..
و اذا خبيت عنها الشي و شافته بالصدفه قعدت اسابيع تلمح لي عن الناس النجسين اللي ما يحبون يعلمون احد وش يعملون ..
و انا احب اغراضي تصير مميزة و هي كلما جتنها جلست تفتش باغراضي و تسأل من وين جبت هذا و هذاك و و و و علشان تشتري منه و تستعرض قدام الناس و قرايبنا بحكم انها هي تروح اكثر منا و قبلنا دااااااائما و اصير كأني انا اللي اشتريت من بعدها مو هي ... و انا الطبع هذا خذيته منها لانها هي كذا فصرت احرص مثلها



و دائما تعلق على عمري و ما تحب تقول اني انا صغيرة دااااااائما تحاول تحسسني اني كبيرة و بعمرها مع اني 23 بس و الزواج تقدم لي كثير بس انا ارفض طبعا عادي ما نقول يعني امي ترفض بالتلفون او وجها لوجه قبل ما يجون فما احد يدري و دااااااااااائما تحاول تحسسني ان ما احب طلبني و الا تقدم لي لدرجه انها مره تقول لي اهديتك لواحد !!!!!!!!!!!!!!!!!!!!!!!!!!!!!!!!!!!!!


وش الحل يا بنات مليييييييييييييييييت من الوضع هذا كل اسبوع يتكرر و يتكرر يتكرر ...

يمكن يقولون الموضوع سخيف و مو مستاهل بس والله 6 سنين و انا اموت من تعليقاتها و تلميحاتها ...
يعني ما كأنها عمتي صارت كأنها ضرتي