والله حاسه اني بموت

السلام عليكم اتمنى تكونون بصحه وعافيه يارب

انا اخت لكم ومنكم وفيكم طالبتن من الله سبحانه يفرج علي محنتي انا وزوجي

انا اكتب لكم الحين والله يادموعي ماليه وجهي ابي منكم دعوه صادقه بظهر الغيب

انا تزوجت زوجي بدون علم اهله بحكم انه هو من قبيله وانا من قبيله ثانيه

لاكن قبيلته مره متعصبه وهو وحيد ابوه اما امه عندها ثنين اكبر منه من زوجها الاول الله يرحمه

وعشنا مع بعض 10 شهور وحللت قبل

يومين وطلعت حامل ....

حااااااااامل حامل

و حملت الهموم زياده

قال زوجي راح اعلم اهلي خلاص

علم امه اول شي (( راح لمها وحب رجولها وقال ابي السماح من الله اولا ثم منك قالت وشفيك قال انا متزوج

قالت انا كنت حاسه وداريه لاكن الله يسامحك .. وقامت ..

يقول رحت اناديها ولاردت علي

قالي لازم تنزلين الي ببطنك قلت حرام عليك هذا نعمة من الله وشلون تبيني اغضب ربي عشان ترضي اهلك

قال صدمتين على اهلي صعبه وقويه يكفي خبر زواجي .. (( على فكره ترى زوجي جدااااااااا بار بوالديه بشكل فظيع

الله يجزاه بالجنه ويثيبه على الي يسويه

المهم قال انا لو ماشريتك مارحت اقول لااهلي ..ومن ناحية الاجهاض انا مااجبرك عليه ترى مثل ماهو لك برضوا لي

وقام يصيييييييييح ويحلف والله انه مو بالساهل علي اقول هالكلام ..لاكن اذا اقتنعوا اهلي لازم بيحطون زواج لنا

عشان الناس يعرفون من هي مرتي ووو وقال حنا ماحسبنا حساب لهالشي وحنا الحين نبي نعالج مشكله حنا

اخطينا فيها (( وقال ماراح اكذب في اي شي بقوله لهم اذا سالو منهي ومن وين اخذتها ووووو قلت طيب

طبعا انا مطلقه لاكن مامعي اطفال بعكسه هو ماسبق له الزواج

انا اكبر منه بسنه .. طبعا قال بكذب في شي واحد انو ماراح تجيني الجراه اني اقول كنت ماخذها وانا اعرفها (( يعني علاقه قبل ))

قلت رح وقل لهم الي تبي ومن ناحية الي ببطني بنزله قال مره ثانيه انا مااجبرك لاكن اشوف انه الحل الانسب

ثم قلت له انا اصلا عارفه انت وش براسك انت تبيني انزله عشان تتطلقني

حلف لي وقال والله مااطلق ولاابيعك انا شاريك قلت اذا اهلك حدوك على طلاقي قال بقول ليش اطلقها

لاكن اذا وصلت انهم يتبرون مني عشانك اتوقع انك بتعرفين ردي مستحيل اغضبهم قلت الله يسخرهم لك ولي ويحنن قلوبهم عليك وعلي

لاكن مدري ليش احس الي ببطني نعمة من الله وانه هو الي بيحطهم قدام الامر الواقع وانهم اذا رفضوني راح يرضون

اذا درو ان في بطني قطعه منهم ولهم .. لحد الان طبعا مابعد قال لاابوه يقول انا بديت باامي لانها اصعب من ابوي

ولانها انسانه دينه وفيها خير وفيها ايمان وخوف من الله وتحبه حبه مهوب طبيعي الي هو زوجي

لاكن ابوه شديد والحين انا خايفه من ردة فعل ابوه وخايفه انه اذا اقتنع خايفه من عمانه يلفون راس ابوه

ااااااااااااااه ااااااااااااااااه اااااااااااااااه والله اني بحال مايعلنمها الاالله

مغير اصييييييييييح وادعي

مابي اخسر ثنين زوجي وضناي

وبنفس الوقت مابي لو لاسمح الله حدوه اهله على الطلاق ان ولدي او بنتي يعيشون بعيدين عن ابوهم او عني

انا ادعي ان الله ييسر امورنا مع اهله وان الله يسخرهم لنا ويحنن قلوبهم علينا

لاتقولون دخلي احد بالموضوع انا يتيمه ولاعندي اخوان كل خواتي بنات والي مزوجني ولد عمي واقشر بعد

وده يسمع عني خبر شين اليوم قبل بكره

ماعندي الا الله سبحانه هو وللي وكيلي وسندي اللهم فوضت امري اليك

...........................................................................................................

الله لايحطك بمكاني والله يالعدو انه يحن علي وانا بهالظروف والله اني احب زوجي ولاابي انحرم منه وابي حياتي كلها معه وابي الستر والعفاف ولاابي الطلاق

...................................................................................................

ادعو لي تكفون ادعو لي من قلب حاضر لعل منكم وحده دعوتها مستجابه ادعو لي بظهر الغيب وانتو على سجاداتكم