والله حرام ..الى متى نتحمل هروب الشغالات..والحللللللل؟؟؟؟؟

أهلين خواتي حبيت أطرح عليكم مشكلتي مدري ليه الصراحة من أول ساعة صارت لي فيها المشكلة جيتوا انتوا على بالي وقلت أكيد أخواتي بنات حواء بيساعدوني في الرأي...

المهم أدخل في الموضوع على طول لأن أعصابي اليوم تعباااااانه والسبب ؟؟؟؟؟

الشغالة مدري أقول الله لا يبارك لها والا أقول الله يصلحها ويهديها لأني ما أحب أدعي على أحد ... هي عندي من ثمانية شهور وانا متحمله عنادها ودلعها من أول يوم جات تقولي انا ابغى أطفال في البيت طيب أنا ماعندي أطفال منين اروح أخلق لها أطفال بس تبكي وبعدين طلعت لي بشئ جديد i wont friend يعني ابغى صديق أو صديقة والا سوي change تبديل يعني تقول شاعرة بالملل...فاكرة الموضوع على كيفها.. صاحب المكتب صاحب زوجي كلمه زوجي بكل اللي قالته على أساس انها لساتها ما خلصت 3شهور قاله انا بكلمها لأنه يعرف اندنوسي... وفعلا كلمها وما دريت الا وهاذي جات تبكي عندي وتقول soory خالص انتي وبابا كويس ما أبغى بدل ((هي تعرف انجليزي لأنها اشتغلت قبل كذا في سنغافورة)) المهم مشت الأمور معاها وأتحملتها ايش أسوي... فترة صارت تقوللي انا أبغى أروح معك كل مكان انا يبغى تمشى ((مع اني أخذها معي السوبر ماركت وبيت أهل زوجي كل خميس وبيت أهلي كل جمعة وبرضه ما كفاها تبغى تتمشى الهانم طبعا طنشتها وسكتت
((ما عليش بنات طولت عليكم والله اني اكتب لكم وانا كلني أرجف الله لا يسامحها على الحالة اللي خلتني فيها))
المهم من أسبوعين جينا نسخن الغذاء وكان في شوية خضار من قبلها بيوم فقلت لها سخنيها في الميكروويف على رقم واحد تخيلوا ايش سوت ... قامت تردد كلامي وتعايب عليا تخيلوا طبعا انا ما سكت وسمعنا زوجي وقلنا لها أطلعي فوق غرفتك طبعا بعد ما أكلت وخلص الموضوع بالبكاء والإعتذار وانها كانت الأخت تمزح معي ..ورحمتها وقلت يالله يابنت حرام جات تترزق والا كنا أنا وزوجي قررنا نرجعها ..

من يومين عملت لنا مشكلة ثانية ومن عصبيتها حرقت المكنسة الكهربائية طبعا خاصمتها ...المشكلة صارت ما تبغى أحد يقولها هذا غلط أو هذا مو كويس ..فأستعمنا معاها انا وزوجي اسلوب الطناش على أساس صاحب المكتب يتفاهم معاها ... صارت تسأل انتوا بترجعوني طبعا ما ردينا عليها ... ايش سوت اليوم الصباح ؟؟؟؟؟ لما صحينا ما لقيناها في البيت بالرغم من اننا مسكرين باب البيت كيف هربت؟؟؟؟ من السطح !!!!!! تخيلوا نحن ساكنين في دور علوي لفلة تخيلواااا ربطت حبال في السطح وهربت ... ما خافت انها تتطيح وتتكسر وتجيب لنا مصيبة ..

هذه مشكلتي يابنات قولوا لي ايش اسوي والله حرام خسرنا عليها تقريبا 8 ألاف على اساس تعرف انجليزي وأشتغلت قبل كذا في سنغافورة بالرغم من انها لما جات ماتعرف ولا شي حتى البيض الاومليت ما تعرف تسويه ... غير العذاب اللي بيبدأ من بكرة لزوجي لمركز هروب الخادمات لمدة 3 شهور حتى نقدر نطلع فيزا ثانية ...

ايش الحل ؟؟؟؟ ايش الحل؟؟؟؟؟والله لوما حاجتي لهم ما كان جبتهم :icon33::icon33:

ما أقول غير خيرة لأني لي يومين وانا أستخير والحمدلله على كل حال والحمدلله اني وزوجي بخير..

اما هي حسبي الله ونعم الوكيل فيها وعوضنا على الله

مشكورات حبايبي على سعة صدركم ..تصدقوا بنات اني ارتحت لما كلمتكم .. الله يخليكم لي ياااااارب