والله صادقة يا فور روز الله يخلي لنا الواحة الترفيهية

السلام عليكم

كيف الحااااااااااااااااال ؟؟؟
اليوم موضوعي ابي الفرفشة منه وما راح اتريق منجد تراه مزح x بمزح يعني ارجو عدم الزوووعل ههههه

اليوم akooooon طفشت بالواحة وقالت خلوني ازور باقي الاقسام

بدأت رحلتها مع القسم المال والاعمال:biggthump :
اول شي ماشاء الله المواضيع عناوينها طوووويلة بالصعوبة تلقين عنوان قصير او يمكن ماتلقين !!
بس تعالي للصفحات بالاف مستحيل موضوع مافيه يمكن 20 صفحة !!!وتعالي عند المواضيع بسم الله

اولا يبدون يقولون طريقة الدفع ومن برا كذا ومن داخل كذا وما تقدر تخفض السعر وإلخ ....<<<<يعني اشتري على طوول ؟؟ اعرضي المنتج بعدين اقول اشتري ولا لأ !!
وتجيك :رأي زبوناتي بمنتجاتي !!! هذي ياحليل الخراطات فيها الا من رحم ربي !! تجيب اسماء الله اعلم من وين وتقول انهم قالو كذا وكذا !!ترا بعد كم يوم تلقون اسمي معهم وكاتبةان المنتج حقها رووعة وطريقة التعامل تجنن والاسعار رووعة :icon19:!! طبعا ما اعمم لان البعض صادقات والبعض الله يهديه ، وتعالي عند الملابس !! تنكري مدري وش زي نحللة !! زي قطة !! وبالأخير زي الطالبة !! والله انا الي مو متزوجة احسها خربطة وشلون المتزوجة العاقلة !!

المهم طلعت وشلت وجهي من قسم المال والاعمال لاني موقدها اشتري وابيع ...


رحت للطبخ ، كل شي تمام المواضيع ماشاء المثبتة اكثر من المواضيع نفسها ونصها ملفات !!! يعني في دروج او دفاتر:rolleyes: ههههههههههه <<<كانها تنكت؟؟بس حسيت بالملل وقلت لهم طفشت !! قالو اقعدي مع الخضار واللحم وبابريكا !!! قلت : وش البابركا :blink:؟؟<<<لاحظو كيف النطق خخخخ
قالو: هيييييييييييييييييييييييي<<شهقة ، وطردوني من القسم على أساس اني جاهلة وما اعرف البابركا !!مع ان كل قسمهم من صنع يدي ومع ايد مدري مين احلى هههه صارت لي عقدة مو باقي الا يكتبون اسمهم على الاكل !!



والحين الطامة الكبرى رحت للعام <<<ياويلك لو سمعوك

دخلت بأسم الله واشوف ابواب كثيرة اصوات طالعة منها قلت اي واحد ادخل؟؟ دخلت للأيمان وانشرح صدري والحمد لله طلعت وانا رااايقة :rolleyes:

ودخلت بعدها للمجلس العام اول ماحطيت رجلي على العتبة ولاكلهم يناظروني فوق وتحت وانا مستغربة ويهمسون ووحدة تقول اتقو الله !! والثانية : ترا هذي مشتركة بزين وهي شركة رافضية معناها البنت رافضية :icon29:!! قلت وانا خايفة : والله موباايلي والله موبايلي !! وكلهم يقولون وين المصدر والي تدافع والي تشرح والي تقول سمااجة ليه قاعدة معكم !!! سحبت نفسي بهدوووووووووووووء وطلعت وسكرت الباب بقفل ورميته خخخ نذالة :icon20:

ودخلت قسم الاسرية احم اول ماطبت رجلي للمكان كلهم ناظروني بأستغراااب قلت : وش في ؟؟؟ قالو: لو سمحتي احنا كبار وراح نتعامل معك كالكبار ارجوك تتفضلين برا !!
انا: ليه مااقعد ، واشوف الناس تصيح ووحدة ماسكة ولدها ووحدة تدعي على سلفتها وحمولتها قلت : خلاص خلاص مايحتاج تطلعوني انا طاللعة ههههه

وباقي الاقسام ماشي عادي بس اللهم قسم الدروس والتصاميم جتني عقدة : سكربز للتحميل والفوتو والايميج ردي والموفي ميكر والتايلر ومدري ... اتحدى راسي فهم شي:29: خخخخخ

وكل سوالفهم عن الفوتوشوب تقولون مافي برنامج تصميم غيره خخخخخخ

والباقي الحمد لله ماسعفني الوقت امر عليهم لاني خلقة رجعت للترفيه وقلت :تووووبة اروح لباقي الاقسام اروحها اذا صرت قدها وقدود<<<قصدها كبيرة محررات خخخخخ

الله يخلي لنا الواحة تونس حتى لو مواضيعها قديمة :love:



وعلى فكرة بخصوص اني كتبت موضوع ابي رأيكم عن توقيعي خخخخخخخخخخخخخ ودمتم :27: