والله ضآيق خلقي

السلام عليكم ..!

كل عام وانتم بخير يااحلى بنات :)

ورمضآن كريم عليكم وعلينا


بنات حبيت ابشركم بآن الحمدالله اهلي مشوا بآول الطريق في سآلفة طلاقي ابوي كلم عمي اللي هو اخوه يكلمه اذا

مااقتنع وطلق راح يرفع قضيه عليه انا مبسوووووووطه حيل لان فرجي قريب وبآذن الله

بس انا ماني مضايقه من هالسالفه ولامعطيتها اهتمام انا متضايقه وحزينه حييييييل على حالي انا ماانكر اني مبسوطه كثير عند اهلي اللي ماعندي اعز واغلى منهم بس اللي جربت حياتي او جربت ربع اللي عشته بتحزن علي وماراح تلومني

بنات انا ادري ان بتقولون انتي غبيه مفروض تفرحين وماتهتمين لحزنك وهمك , آه يارب رحمتك :(

عمتي اخت ابوي كلمت امي قبل كم يوم وجلست تسولف معها وجابوا سيرت طليقي وقالت عمتي وش اللي خلاه يطلق حرمته

تقول عمتي ان حرمته كل ماتهاوشت معه تذكره فيني وتقول روحلها ومن هالكلام ..
وتقول بعد انها رفضت تجلس هي وامه ببيت واحد لانه ببدايه زواجه طلع برا العماره على بال مايبني ببيت اهله ولما جات

قالت انا ماابي امك انا ابي بيت لحالي ولا فله صراااحه مالومها لان عمتي الله لايسامحها ماينعاش معها:09:

ادري الكثير بيقول ليش مهتمه فيه والله يابنات غصبن عني لاني احبه آآآه كل مااقول لاهذا باعني ورماني وخاني وخل اللي مايسوى زوجي يدوس علي والسبب هو :(

بس احبه ايه احبه لاني اكبر غبيييييييييييييييييييييييييه :(

تصدقون عمي اللي هو ابو طليقي قجلس يسال عني كل ماكلم ابوي وهو اللي كان مايجيب سيرتي
ولا الناس وجماعتنا كلهم يقولون ياربي هالاثنين مالهم حض واللي يقول ليش مايرجعون لبعض لانهم مالهم غير بعض

آآآآآآآآآآه والله متضايقه ومكبوته مادري وش اسوي معقوله برجع له وحتى لو رجعت هو موشين بس لويبعد عن امه اذا ام بنته طلبت تطلع من العماره طلقها انا لو جاء وشرط عليه هالشرط بيوافق ؟؟؟

بنات انا ماابيكم تحطموني وتقولون كلام يكسر بخاطري تكفووون اللي في مكفيني :(:(