السلام عليكم ورحمتة الله وبركاته
والله طفح الكيل......مليت
الانترنت صار مقرف .
اول نفتحه ندور شي يوسع الصدر, الحين ما فيه الا الاكله هذي مسرطنه, والعصير هذا يسبب صلع , وكيس الخبز اذا شقيته بدون تفك الربطه يسبب سرطان في الابط , والصابون اذا حطيته في فمك يسبب سرطان لثه.
والله مليت كل شي مسرطن .كل شي ضار ..
يلعن بليسكم اذا كل شي مسرطن وضار وشلون عشنا؟؟ حتى الحب قالوا مسرطن..
والشطة الي فيها مادة سو بي كورا مي دقني دقني دقني دق دق
دق !!!...
مسرطنه الجح الي يباع في عز الصيف مسرطن.
الماء الي تشربه بعد الوجبه يسبب حوله..
طيب ياخي غصيت وشلون ادف اللقمة .
اموت ؟؟..
لا والمصيبه اذا صار مصدر الاشاعة شركة تعال شوف.
شركة سنكرس تستخدم زيت الخنزير عشان تدعم اسرائيل
والله يا جماعه من كثر الخزعبلات تلخبططت الافكار.
الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم (عشانها هي اليي تغسله)
بلد خربان..كله اشاعات واي شي تلقاه عندك ومبسوط فيه يقرفونك فيه ويقولون يسبب مرض.
مثل عندك الخيار تحبه ولذيذ والسلطه بدونه ولا شي .
يطلع لك طلعه ويقول ان الخيار كبير الحجم
يسبب سرطان قولون ولا معدة ولا اي شي يضيق صدرك طيب ياخي السؤال الي يطرح نفسه
الخيار كبير الحجم وش يستخدم فيه!!!!! رد
هذا كوم وتراه ما يخلص وخلونا نروح للكوم الثاني
________________
الكوم الثاني
مليت من الرسايل الدينيه المكذوبة .
كلها احاديث مكذوبه ومصطنعه.
واخرتها يجي يقولك قل هذي الجمله؟؟؟؟؟
الان كسبت 398321 حسنه..على كيفك هي .توزع حسنات!!
لا ويقولك انتبه لا يضحك عليك الشيطان ارسلها .انتبه تضغط دليت ترا اصل كلمت
دليت
وتعني الشيطان
تلاحظ انا اول حرفين نفس الشي
Vوبدل.
>L يعني لا يضحك عليك الشيطان
معناها تخسي تضحك علي delete = devel de L. بحرف Tوحرف
وصدقوني انا كتبتها وبعد فترة بتجيكم اشاعة وان مخترع الكيبورد يهودي
الله يلعن ام الخزعبلات يا شيخ
انتبه انتبه ترا الشيطان واقف جنبك
ما درا ان الشيطان هو الي يضحك عليه وطاق معسل جنبه ويقول قم غير لي جمر
سامحوني كل الحكاية ان الكيل طفح.....
اضافة : اذكر قبل كم سنة رحت امشي على رجولي لجارنا والا يقابلني ذاك الولد على سيارة وشكله مرعوب وعرقه يتصبب ويعطيني ورقه وهو بالسيارة ويحرك بسرعه جنونية قلت هذا وشفيه مادققت بالامر صرت اتابعه النظرات الين ابتعد بسيارته اول ماتبادر لذهني ان هذه الورقه اعلان او دعاية لشركه زي منتم عارفين
قريتها والا مكتوب فيها وصية الشيخ احمد كلام طويل ان الشيخ احمد بالمدينه شاف حلم ومدري ايش طيب وش دخلني فيه وحلمه الاكيد اخر الورقه مكتوب ان لم توزعها بيصيبك مصيبه لانه وصلك خبر الشيخ احمد ولاسويت شي واذا وزعتها راح تصير سعيد بعد كم يوم وكم ساعه وكم دقيقه بالتفصيل وراح يجيك خبر يفرحك ويسعدك ومدري ايش من الكلام الي الصحيح كله من ابليس
قمت بازلة لفظ الجلالة من الورقه لكي لايمتهن ورميت الورقه بالارض دارت الايام واذا بتلك الورقه يعاد نشرها في مكان اخر دار الحديث وكان ابي من المتواجدين في المجلس فسالني يابدر انت تقول الشيخ احمد قلت نعم وصية الشيخ احمد قال ياولدي هذي مش جديده تدري اني اذكر اول مره قريتها وشفتها قبل اربعين سنه وكنا نضحك على الي يوزعونها (( طلعت السالفه مش جديده هههه ))
تعقيبي : سوال واحد ياخوان لييش جاك حماس توزع الورقه ولاجاك حماس تصلي جماعه هذا فرض وهذا لو تساهلنا فيه قلنا مباح مع العلم انه بدعه وخزعبلات
اليس الاولى الصلاة من نشر الورقه
ثم السوال الاخر هل ذكر عن الرسول عمل اوصى به وقال لو ماتسويه بيصير لك كذا وكذا بعد سبوع وثلاث ساعات وعشرين دقيقه وخمس ثواني اش الكلام الفاضي هذا
نريد تفكير سامي يعانق سماء الووضوح لا الليل الحالك
وواحد يجيك يرسل لك رسالة ويقول استحلفك بالله وعسالله لايوفقك اذا مارسلت الرساله هذي لخمسين واحد ياخوي الدين يسر وانت حاط علينا شروط اش التنطع هذا والغلو والله لو كان فيها خير ليوقف لكم اخو مره (( ابليس قصدي)) ليوقف لكم على الباب يقول مافي روحه بس جايز له ويحمس البعض
تحياتي للجميع
منقول
لين ورد @lyn_ord
عضوة نشيطة
يلزم عليك تسجيل الدخول أولًا لكتابة تعليق.
لين ورد :
شكر لكن وياليت تنقرض مثل هالتصرفات الجاهلةشكر لكن وياليت تنقرض مثل هالتصرفات الجاهلة
ان شاء الله بتنقرض لاحد يرد على تصرفاتهم ويصدقها وبتنقرض
مشكوره اختي
مشكوره اختي
والله من جد
شي يقهر وخصوصا الرسايل الدينية المحرفة مدري المؤلفة
انا بالعادة اذا جتني عالايميل أطنشها
حتى اخر رساله مكتوب فيها
إذا اعدت ارسالها فلك الأجر ومدري ايش
واذا ماارسلتها ستبوء بلعنة الله
والله وقف شعري
لذي الدرجة وصل التهاون..لدرجة اللعن
ماادري هل هو حب للخير ولا وقاحة وجرأة
شي يقهر وخصوصا الرسايل الدينية المحرفة مدري المؤلفة
انا بالعادة اذا جتني عالايميل أطنشها
حتى اخر رساله مكتوب فيها
إذا اعدت ارسالها فلك الأجر ومدري ايش
واذا ماارسلتها ستبوء بلعنة الله
والله وقف شعري
لذي الدرجة وصل التهاون..لدرجة اللعن
ماادري هل هو حب للخير ولا وقاحة وجرأة
الصفحة الأخيرة
وسوسولنا بكل شئ
لكن ربي الحافظ