والله ظلم يابناااااااااااااااااات..

أرجو من المشرفات عدم حذف الموضوع

السلام عليكم

كيفكم يابنات؟؟

اليوم وأنا في بيت أهلي كنت أطبخ و أصور العشاء اللي مسويته لهم
قامت مرت أخوي تمزح معاي وتقول لي خلاص كفاية تصوير مو كفاية حلا الشريطة دوخني ناشرته في كل المنتديات
قلت لها والله مانزلته غير في منتدى عالم حواء ومنتدى ثاني اسمه دقات القلوب وبس
قالت لا والله منزلته في منتديات كثيرة وتكذبين علي قلت لها بعد مانخلص العشاء أفك النت وأوريك أنا مواضيعي حافظتها في المفضلة في مجلد لوحده
بعدها انشغلنا ومافكيته ولما رجعت البيت وانا اطقطق عالنت افتكرت السالفة واسوي بحث في جوجل
وياويلي عاللي لقيته كل وحدة منزلة الموضوع في المنتدى حقها وناسبته لنفسها صدق ناس مايخافون الله
وربي ان ظهري انكسر وانا اسويه اخذ مني اللف قريب الساعتين وكنت يومتها مالي اسبوع مسوية عملية وتعبانة بس عشان البنات طلبوه مني وكنت طفشانة قلت اتسلى عليه
وتجي وحدة بارد مبرد تاخذ جهدي وتعبي تنسبه لنفسها
ايش كان حينقص منها لو كتبت منقول حتطير منها يد ولارجل وربي شي يفقع القلب
ياناس خافو ربكم واعلموا انه حسيب رقيب عليكم وأنا بصراحة ماحاسامح أي وحدة أخذت مجهودي ونسبته لنفسها
وخلاص قررت إني أحط إسمي على كل صورة أنزلها
لأني والله اتعب وانا اصور واحمل وانزل وتجي اي وحدة تاخذ عالجاهز مجهودي
وسامحوني طولت عليكم بس من حرتي وقهري

وهذا رابط الحلا تبعي
http://forum.hawaaworld.com/showthread.php?t=1627573

وهذي الروابط الملطوشة ::

xxxxxxxxxxxxxxxxxxxxxxxxxxxxxx

يمنع وضع روابط لمنتديات أخرى


وطبعا هذي الروابط غيض من فيض واللي يضحك أكثر تجيك وحدة حاطة الموضوع نفس حقي بس مو منزل طريقة كيكة الدخن

وآآآآآسفة عالإطالة يالغاليات