والله مدمره تماما هل حالتي تحتاج لطبيب نفسي طلبتكم ما تردوني

السلام عليكم ورحمة الله وبركاته

أخواتي الفاضلات أرجو منكم إللي عندها خبره تساعدني

يا ناس انا مشكلتي إني ضعيفة شخصيه جدااااا

يعني لمن أحد يتطاول عليا أبلم وأسكت

يناس محد بيرحمني

انا ام وعندي طفلين وعمري 32 سنة يعني ماني طفله

عندي سلفة اصغر مني بعشر سنوات تعطيني الكلمة تعميني ماعرف ليش ما ارد عليها اسكت

واقول اخاف من المشاكل

ناس آآكلهم وناس زيييييي البسة اصير قدامهم

مادري ليش

والله انها ام زوجي ماسحه فيا البلاط حسبي الله عليها وانا ارجع تاني زي البلهة تقوليلي ليش تسوي في نفسك كده
اقلك مادري

اخاف من المشاكل
و ماتربيت على كده نهائيا

يعني الواحد يهزئني وانا زيييييي التنبل ما ارد

حتى ردودي عبيطه كلها تبريرات مال لأمها داعي

انا محد لو شي عندي
ولا احد ماسك عليا شي الحمدلله

ولكن جبانه

بالله ساعدوني واعطوني حلول
وهل حالتي تحتاج لدكتور نفساني ولا إيش والله تعبت

دمعتي ما تنشف من عيني

انا طييييييييييبه مره وعلى قد ما احقد واشيل في قلبي إلا إني لو احد طلب مني خدمه ولا شفته في ورطه قلبي ما يطاوعني عى طووووووول اقدم المساعده والحلول

هل معقول أنا لهادي الدرجه غبيه وهبله
وأستاهل الإهانات إللي بأتعرض لها من الصغير قبل الكبير

والله إني أعمل حساب لكل الناس واخاف على زعل فلان وزعطان وعلان

وأنا بالكدب محد يعبرني ولا يحترمني ومالي كلمه اساسا في هذا البيت

وياويلي لو رديت على احد ولا دافعت ولا شي

ام زوجي تبكيني و تهينني وعلى طول توقفني عند حدي

لكن سلايفي عادي جدا حلال عليهم كل شي

وانا هنا اكبر وحده في العيله :44::44:

والله أنا حزينة حزينة ونفسي ربي يقصف عمري وارتاح من هادي العيشه

لكن شايله هم المساكين الضعايف إللي مالهم ذنب وبرضو مكروهين بسببي :icon33::icon33:

شورو عليا بالله طلبتكم :44::icon33: