والله مقهوره قهر أخاف امرض منه

بسم الله الرحمن الرحيم
السلام عليكم. وشهر مبارك عليكم

ياحبيباتي مقهورة من اخوي الله لا يسامحه ان وياه من صغرنا مها وشات. ودائم أهلي معه

وكبرها وكبرت مشاكلنا سواء توظف وانا تخرجت وابتعد عنا وعشت براحه منه ورجع مرا ثانيه

وجاب لي الهم والنكد. مايخليني أذوق ألراحه ودائم مضاربات وسب كان أبوي بصفي وأمي ويحميني منه ومرات يسبقهم ويضربني. الين كرهته وكرهت البيت. البارح عاتبته اقله انت اكل من الموجود أمي تعبت طبخت وتجيبه عند رجلك احمد ربك. وكنت اكلمه باحترام وابوي موجود. قام أبوي يتسفلل علي ويتفل بوجهي. لا تتكلمين أخوك كيفه هذا بيته ونتي خذي عفشك وان قلعي بيت زوجك من غير زواج ونا والله يبنات قائمه فيهم. طبخ وبيت نظيف عشان أمي تعبت وقبل قلت لها انا أخدمك انتي ولدك مااقدر كرامتي مهانه منه أمي تهتم به ومرات اعاونها لما سمعت كلام أبوي البارح أنقهرت. ًًً سكت وبصباح. رجع من صلاه قال أبوي لمي. بنتك ادبيها ولا والله لا اخليه يدعس ببطنها وعلمك انت وهي التحكم الزائد. واهينكم وخليها تحترمه ونا من قبل اقله ابوي فكني من شره تعبت. منه ونا ماني بذمتكم. المفروض اقل لزوجي أنكم تهينو فيني ضرب وسب لكن استحي مابي يتكلم عليكم ولا ابي تطيحون من عيون الناس ولا ابي بيوم يقلي مالك اهل.
وربي مرات امسك جوالي ودي اقله وش يصير فيني معد اتحمل. صرت هاليومين مااكل معاهم
زواجي باقي عليه اربع شهور ومن اللحين يطردني أبوي غير السب اللي أكلته كله عشان أمي دافعت عنها كلام أبوي امس طعن قلبي ابي منكم النصيحة