والله ميته من التعب و نظامي مقلوب فوق تحت....الله يعين في العيد...ساعدوني

السلام عليكم و رحمة الله

اسمحو لي أنا كنت محتاره بين قسم المشاكل او قسم الصحه.....إذا كان مكانه قسم الصحه فأرجو من المشرفة نقلها

اخواتي أنا دايماً يصير لي هالشي في رمضان و المشكله بعد رمضان أخذ فتره طويله لين ما يتعدل نظامي....
طبعاً انتو عارفين السهر في رمضان لين ما تطلع الشمس و يصير الضحى بعد ...هذا نظام كثير من الناس و الصراحه أنا منهم......
بس بالفعل هذا الشي يأثر على الجسم و النفسيه و صدق الله العظيم حين قال في سورة النباء:

وَجَعَلْنَا نَوْمَكُمْ سُبَاتًا (9) وَجَعَلْنَا اللَّيْلَ لِبَاسًا (10) وَجَعَلْنَا النَّهَارَ مَعَاشًا (11)

سبحان الله ....الله ذاكر هالشي في كتابه....
والله يا بنات إن من هالحاله صارت نفسيتي زفته و كله احس بتعب و ضيقه....

المشكله الحين اللي يمكن تستغربون منها إني صرت لا أنام لا ليل و لا نهار....صايبني ارق شديد و لا أعرف كيف اعدل هالمخ اللي صابته ازعرينه و لا قام يفرق بين الليل و النهار....
اسمحو لي كلامي يمكن يكون غير مترابط لكن والله اكتب لكم و أنا ميته من التعب بسبب ها الآرق....

الحين ما اعرف شو بسوي في العيد ....المشكله ما اقدر اضل على هالنظام عندي التزامات لازم اقضايها الصبح .....خبروني كيف احل مشكلتي