واليكم قصة ولادتي المريره

سلام بشرتكم بولادتي سابقا واليكم المسلسل المكسيكي لولادتي رحت ياطويلات العمر للمستشفى مراجعه وقالو لازم نولدك لانك دخلتي العاشر لك 6 ايام وبعد نقاش طويل مع الدكتور والاستشاريه سحر السويلم عن ولادتي هل تكون قيصري ولاطبيعي واقنعتني سحر بالطبيعي لان ولادتي السابقه قيصري طبعا تنومت عندهم واول ليله وناسه وتعرفت على بنات وبشكه وسواليف مابعد جتنا الروعات ثاني يوم الظهر حطولي تحميله طلق صناعي الوضع عادي لين جا وقت الزياره في اليل والله واحس بطلق خفيف وكان زوجي عندي ويضحك علي من زين الطبايع والله يوم جا اخر اليل وتجي طلوق تروع وماعادفيه يمه ارحميني ويوم جامن بكره الظهر سحبو التحميله قالوا ماراح تتحملي خافو على عمليتي تنفتق وبس الطلوق حاميه جدا ولاعاد رديت على تلفونات الجوال يدقدق وسفه والثابت وسفه واثر العالم مختبه اخوي محلم فيني حلم يروع واهلي ماعلمتهم اني داخله المستشفى واثر اخواني درو ولا علمو امي يوم جا رجلي وقت الزياره مرتاع ويسولف ويضحك على باله بيخفف علي واحمق عليه اقول تشوفين اتالم وانت تضحك ويجيبون العشا ويقولي يالله كولي ويلزم وانا ماني قادره من الالم وطفشني لدرجة قلت ليته ماجا والممرضه تروح وتجي واقولها نادي الدكتوره احس اني بموت تقول لسا الرحم مانفتح الا2 سم وان احس البيبي بيطلع وانكبت المويه وزوجي فيه واتسند على زوجي والممرضه واروح لدورة المياه واغسل واغير واصارخ اقول نادي الدكتوره وادخل يدها وتقول لسا 2سم يوم انتهت ازياره وتو رجلي طالع شرفت الدكتوره قالت بسرعه الرحم مفتوح سبع سم والحماره تكرمون تقولي 2سم وبسرعه ودوني لغرفة الولاده وعلى بال ماقاسو الضغط وشغلو جهاز التخطيط وكشف الدكتور يمكن ساعه ولا اقل واولدوقدوا يصفقون ويصارخون ها الممرضات وقال الدكتور اتحملينا بنطلع المشيمه ونخيطك واشوفه دعس شاشه بعدين جات ممرضه من شكلها تحسين انها دبشه سحبت الشاشه وعصب عليها الدكتوربعدين قالي بنخدرك تخدير كامل عشان ماتحسي بالخياطه لان الطفل طلع براسه مع يده وتمزق عندك المهبل وبعد ماصحيت من البنج عطوني كاس شاي وقطعة خبزه ويوم تحركت من السرير بينزلوني تحت الا واستفرغ والظهر شربت نص كاس قرفه واستفرغ وماش احس اني تعبانه ويوم انتهت ازياره وتبد المعاناه ويخترشون الدكاتره روعوني روعات الله لا يوريكم اسبوع وانا في المستشفى قالوا انسداد في المعده قالو التصاق في الامعاء وقالو كسل في الامعاء وسولي اشعه مقطعيه واشعه صوتيه وسبو مني دم لين قالوبس وشبكو فيني اربع ليات اثنين في يديني وقسطره والموت الي الي في خشمي ماعاد عرفت احكي حسيت اني اشرفت على الموت وكل من شافني قال الله يخليها لعيالها حسيت اني بودع وصار عندي نقص في الهمبولجين ونق في البوتاسيم ونقالولي كيسين دم وبعد ماشالو الي الي في خشمي حسيت اني ارتحت وفي الاخير قالو كسل في الامعا وان الي صار لك من اثار القيصريه السابقه لان المفروض تقعدين سنتين ماحملتي وانا قعدت سنه وشهرين بس التساهيل من الله ولا ناس يحملون بعد القيصريه بشهر وما يجيهم شي الا كان هم لاعبين فيني ونا مادري والحمدلله طلعت بعد اسبوع