هالأحداث حصلت وانا افطر فتلاحظون السفره موجودة ^_^
ما عليكم
صراحة في شغلة رايقة ومرة حلوه شريتها من كم يوم من هوم سنتر-الطابق العلوي من سنتربوينت
وهي هالغطاء الشبكي للأطعمة المكشوفة ب 12 ريال وهو الحجم الصغير فيه وسط 19 ريال وكبير 29 ريال
فجأه الا تجي ذبابة الفاكهة قدامي.. وتوقف على الشبك اللي كان مغطي فواكة
اول ما شريت الشبك خفت ان فتحاته كبار..
فلما شفت الذبابة عالشبك قلت اشوف لو تدخل ولا ما تقدر
وفعلا كانت محاولاتها فاشلة تحاول وتحاول تدخل
امداني اصورها لكم فيديو وهي تحاول ^_^
20120502060.mp4 - 1.15 MB
طبعا انا من كثر ما احب هالذبابة، هي والناموس، كنت مجهزتلها بجنبي مفاجأه
وهو عبارة عن علبة رشاش في ديتول مخفف
لأني اكره البفباف والمبيدات اللي بضغط الغاز لأنها تنتشر وممكن توصل لمناطق الاطعمة وتسبب تسمم قاتل
لكن الديتول هذا موية وسائل وينزل عالمكان اللي ترشينه فيه فقط
طبعا رشيت الحشرة بتركيز عليها يعني على حافة الغطاء ورحت غسلته ورجعته.. طبعا الحشرة ماتت علطول
للمعلومية هي حشرة سريعة التكاثر بيديها وحده بوحده ولا تفتحين شبابيك وتنسينها حتى لو شبك الحشرات موجود يدخلون مع حواف الاطارات والزوايا
عشان كذا لو رشيتيها ولحقتي وحده وحدة تموت ولاعاد تشوفينها
فحبيت اشارككم هالتجربة يارب تستفيدون منها
ودعواتكم ربي يتقبل دعائي ويحقق رجائي
:)
