كيف الحال ان شاءالله بخير..
بصراحه ابي اتكلم عن موضوع فاقعن مرارتي وحارقن تسبدي :(
وهو استغلال التجار للمستهلك واللعب عليه وكااننتا مغفلين خصوصا الحريم مغير نطير للسوق ونشتري بدون حسيب ورقيب وعلى بالنا ماااركة..نشتري ب1000 و2000 مايهم بس عشان يكون لبسي زين وماركة واصلي..
واعزتي لنا من ثاني غسله يامنقطع والا باهت..واذا انكرف معنا ينزل سعره بالتخفيضات لاكثر من النص..
واحنا ناكلها..
ندفع فلوسنا على قطع مبلغها يوصل 10 ريال وكثيره عليها..يجيبونها من برا ويلصقون عليها استيكرات من البطحا ماتكلفهم العمليه كلهااااا الا 15 رايال للقطعه ويبيعونها لك فوق الميتين..
المهم الي خلاني اكتب..
اني مرتن من المرارير رحت للسوق..
وهالمره رحنا لاسواق طيبة..
بالرياض طبعا..
واحنا نتمشى الا نلاقي محل كل البضايع فيه مخفضة اشياء حلوه مب شينه..
وبرا فيه ستاند ( معلاق) معلق فيه ملابس وحاطين فوقها لوحه كبر جبهة اوباما :42:
واشوف الا فيه هالتنورة المملوحة.. طبعا بالسعر المذكور اعلاه :icon33:
شوفوا الصور واحكموا.....
:44:
طبعا طمست اسم المحل مابي قطع ارزاااق..محل معروف..
عالعموم اترك حرية التعليق لكم لاني لو علقت ماراح تكفيني هالصفحة من القهر نشتري ونرمي فلوسنا على ملابس اخرتها تصير بعشرة ريال :09:
وعلى فكرة !!
اليوم الصباح بتاريخ 15/4/1431 جابوا مقابلة بالقناة السعودية الاولى مع تاجر يقول اشتري شناط ماركة من الصين ب60 و 80 ريال وجا تاجر وطلب منه يجيب له شناط .. بعدين يروح للبطحاء واشتري ستوك الماركة والزقه عليها وابيعها ب1000 واكثر لماركات معروفة مثل ديور وشانيل وغيرها ولامن شاف ولامن دري شايفين ناس ساكتين لهم وجمعية حماية المستهلك نايمة بالعسل :dry:
الله يخلف بس