وجبتها واتهمتني بسرقتها

مرحبا حوائيات اخ بس اخ توني متزوجه مالي شهر ونصف وقلت من باب الواجب اروح لام زوجي اسلم عليها عيب 4 اسابيع ماادخل بيتها مايصير وروحت واخذت لها هديه وليتني مارحت المهم رحت واستقبلتني وبننتين لها احلى استقبال وترحب وتهلي فيني وتضيفني وتقرب مني القهوه وتحلف عليه اتعشا عندها الموهم خرجنا من عندها الليل انا وزوجي طبعا زوجي نزلني عندهم وراح ورجع الليل اتعشا معانا ومشينا للبيت ووانتم بكرامه وانا عند امه طلبت الحمام مرتين لانو معايا الدوره وكانت غزيره وغيرت مرتين الموهم الساعه 3 متصله امه تقول كانت فيه 15 الف عندي انسرقت وزوجي قال كيف ومين وليش ووو؟ والبيت المشكله مافيه الا امه وبنتينها كبار وانا بس من غير شغاله ولا احد تاني وقالها انا بانام بكره اشوف واليوم الثاني اتصل فيها ها لقيتيها قالت لا قال الجن سرقوها ولا مين ؟؟؟؟؟؟؟ وراح لها زوجي ثاني يوم يشوف الموضوع ولما رجع سالته قال مالقتها قلت مين يعني اكيد وحده من بناتها ؟ لانهم اعرف ببيتهم واغراض امهم الموهم الموضوع له يومين وانا عند اهلي بازور امي الا زوجي يقولي ان امه شاكه فيني طبعا هو طار فيهم وووو انا الان محروقه ايش اسوي بالله انا الان اقول بصراحه انا رحت لها عشان قلت اطيب بخاطر زوجي والواجب واجب عيب امه مهما كان يعني اروح لامي كل اسبوع وامه عيب اني مااروح لها ولي شهر ونصف ومن الان قررت اني ماازورها الا من 4 الى 5 شهور ومع زوجي رجلي برجله اجلس ربع ساعه واقولهم مع السلامه يكون الواحد رسمي بزياده عن اللزوم افضل وزوجي بلسانه يقول كانت ناويه خراب بيتي ودماره بالله ايش رايكم انا من قهري كتبت لكم حسبي الله ونعم الوكيل