وجدت ضالتى المنشودة

بنات حبوبات امورات ... متعاونات
المنتدى رائع (طبعاً بمواضيعكم الرائعة ) عجبنى جداً منتداكم بكل اقسامة (وخاصة : علاج السمنة والنحافة) وقررت لازم انضم لكم وطلعت من المنتدى بأفكار روعة وكانت ناقصانى وكان ناقصنى التشجيع اللى بينكم

من اهم الافكار واللى عاجبنى اكتر وحسيت انى ماصدقت لاقيها ومسكت فيها :

شرب الماء (قليلة جداً فى شرب الماء لأنى لا اشعر بعطش)

الرياضة : تمارين متوعة واجهزة رياضية مجرب نتايجها : الاستيبر ( ومش هاتصدقوا من كتر اقتناعى بة ... اشتريتة بعد ما قريت عنة موضوع فى المنتدى وكمان هو ماياخد مساحة كبيرة وعلى فكرة انا شريتة وجربتة امبارح .. بعد 3 او 4 دقايق عرقت مع انى ماعرقش بسهولة ) وكمان تمرين شد البطن و تمارين الاثقال للزنود و لا انسى ايضاً شريت القرص الدوار : تويستر ... سمعت عنة فى المنتدى انة حلو للخصر

الريجيم الكيميائى : او النوع الواحد ... طبعاً هو مش صحى لكن حلو فى بداية الريجيم لزيادة الحماس

الريجيمات : مجموعة ريجيمات صحية ومتنوعة ... تحفة و الاحلى انكم جربتوها وبتتكلمموا عن خبرة

تقسيم الاهداف : يعنى لو زايدة 10 كيلو مثلاً فلا اضعهم هدفى الاول والاخير ولكن اقسمهم اسهل

الاعشاب : عجبنى الشاى الاخضر بالكمون والنعناع والجنزيبل ... مع انى ما احب الاعشاب كتير (اخاف تضر) لكن هذة الخطة الاقل فى الخطورة بالنسبة لباقى الخلطات ( الجنزبيل اذا بدون اكل يتعب المعدة جداً ولكنة مفيد لالتهاب المفاصل والصداع النصفى وانا اعانى منهم ... والشاى الاخضر مرة واحدة باليوم يكون كفاية ... هذة المعلومات من دكتور حبايبى مش من دماغى)

والاحلى من كل دة .... تشجيعكم بنات ......... هذا ما تمناة كتير منكم حبايبى

راح اقول لكم تفاصيل سمنتى وتاريخها و خطة الريجيم اللى قررتة لما اشوف الترحيب والتشجيع