وجهي صافي جداً ومورد ولكنني أستخدم الروكتان من اجل الدمامل،فهل يؤثر؟

بسم الله الرحمن الرحيم

انا الآن متزوجة ولدي بنت زي القمر عمرها 7 شهور ماشاءالله

والحمدلله ماعندي اي مشاكل بوجهي بس مصيبتي الأولى والأخيرة هي الدمامل

مابحكي غير الله يبعد عنكم هالمرض ولا يصيب لا عدو ولا حبيب

ابتدأ معي من عمر 13 سنة واتعذبت كتير وقبل الزواج بفترة طويلة توقفت الدمامل عندي بس رجعتلي وقت
الحمل

الله لا يورجيكم شو صار فيني عذاااااااااااااب بكل ما تعنيه الكلمة والله بحكي لكل صبية بتعاني من حب الشباب بيضل أهون بمليون مرة من الدمامل المؤلمة

صدقوني يا صبايا ما بقدر البس cut قدام زوجي لانو الدمامل مشوه منظر الإبط وغير المنطقة الحساسة والمؤخرة بعيد عنكم


وبعد الولادة صارت الحالة اسوأ الدمل الي بنفجر ماعاد يسكر بيضل مفتوح وينزل افرازات مؤذية جدا

فبضطر اضل حاطة بلاستر مكانها عشان الريحة والألم لأنو بحس زي الحرق :(

مين بصدق إني خلال 3 أيام بخلص علبة كاملة بلاستر؟ياريت كنت استخدمه بمكان واحد في 4 اماكن متفرقة بجسمي


وكتير رحت عدكاترة من كل البلاد من الامارات وفلسطين والأردن كل واحد بيحكي شكل دكتورة بتحكيلي عين ودكتور بيحكي سببها السمنة بس انا عملت عملية ونحفت والدمامل لسا بتطلعلي ودكتورة عطتني ادوية وكل شي كان عالفاضي

بتحكولي شو مناسبة هالمقدمة الطويلة الي مادخلها بسؤالي؟
بس حبيت أحكيلكم إنو كتير منكم عايشين بنعمه ياريتكم تحمدوا ربنا عليها
رغم هالمصيبة الي فيني بس بشكر ربي لأني متأكدة في من مريض اكتر مني وبتعذب اكتر مني الله يشفي جميع المسلمين

نرجع لسؤالي الأصلي
اخر شي ناس دلوني على دكتور هندي بس شاطر جدا رغم انو كشفتيه رخيصة حسيته فهمان هالدكتور عملي فحص دم واخد عينة من الدمل طلع عندي بكتيريا في الجلد والتهاب تحت الجلد

حكالي لازم تبدأي بالروكتان لانو حالتك شديدة،بس انتبهي لا تحملي هالفترة وبعد ما قرأت الروشته استغربت من كتر الاعراض الي بسببها

لسا صرلي بادية اسبوع فيه فحبيت اسألكم اكمن سؤال لو سمحتم:

انا بعمل مانع طبيعي يعني القذف في الخارج فهل هالشي بيكفي حتى امنع الحمل او لازم اخد احتياطات تانية؟
بتيجيني دوخة مرات هل بسبب هالدوا؟
متى بتبدأ الأعراض فعليا؟يعني بعد كم مدة من الاستخدام؟
وشو الاعراض الي حسيتوا فيها بالزبط؟
هل في احد جربه الروكتان لعلاج الدمامل؟ياريت تفيدوني
مين عانت من الدمامل متلي وكيف عالجتها؟
المصيبة الكبرى الدكتور طلب مني ما انظف منطقة الإبط لا بشفرة ولا بحلاوة ولا بشي حتى ما تتأثر فهل فعلا التنظيف ممنوع اثناء الروكتان؟

وبارك الله فيكم ولا تنسوني من الدعاء