وحّدت لون جسمي بفترة قصيره

قبل كل شي أحب أشكر الاخت ana_Dream على وصفة السدر اللي ذكرتها ولولاها كان ماوصلت للنتيجه الحلوه اللي وصلت لها ،، ألف شكر والله يوفقك ويسعدك دنيا وآخره ياااارب :26:

أنا استخدمت هذي الخلطه بس على طريقتي ،، أتمنى انكم تستفيدون منها ،،
1. أخلطي ملعقتين أكل كبيره بودرة سدر + 4 ملاعق أكل بودرة حليب نيدو + مويه حاره ، لين ماتصير الخلطه رخوه ، يعني مو سايله ولا عجينه .
2. إدهني جسمك كله بالخلطه وركـّـزي على المؤخره والركب والأكواع ، ولما تخلصين جيبي الاستشوار وحطي الهوا الحار على جسمك لمدة 10-15 دقيقه ، لين ماينشف زين .
3. روحي للحمام وافتحي المويه الحارة وخلي الحمام يمتلي بخار ، خليك بالبخار لمدة 5 دقايق .
4. إبدي فرّكي جسمك بالليفه اللي على شكل قفاز (من بودي شوب) (الليفه تكون جافه .. لما تصير مليانه سدر ، إقلبيها على الجهه الثانيه ،، وكمّلي) .
5. لما تخلصين من التفريك ، غسلي جسمك بالمويه الدافيه المايله للسخونه .
6. إخلطي مقدارين متساويين ملح وسكر + زيت زيتون ، وفرّكي جسمك كله ، وأرجع وأقول مره ثانيه ركـّـزي على المناطق الغامقه .
7. بعدين غسلي جسمك بالمويه العادية الحراره ويفضّل تكون بارده عشان تقفل المسامات ، وقبل ماتخلصين غسلي المنطقه الحساسه بالغسول اليومي اللي تستخدمينه عشان تتأكدين إنه مايبقى شي من الخلطه أو الزيت .
8. نشّفي جسمك ، وحطي من زبدة الكاكاو (من بودي شوبafrica body balm) عشان ترطب جسمك زين مازين .


صدقوني ياحلوات مع الاستمرار راح تشوفون النتيجه المبهرة بفترة بسيطه ،
جرّبوها ،، وردّوا لي ........... أستناكم :)