ودي أسافر بلحالي مع زوجي حبيبي وبدون ماأغضب ربي شلوووون!!

السلام عليكم ورحمة الله وبركاته
حبيابتي كيف حالكم ؟
خواتي ودي تعتبروني أختكم وتسمعون شكواي وتعطوني رأيكم بكل صراحة وكل اللي بقلبكم لي قولوووه من دون حياء عشان أناأثق فيكم ثقة مالهاحدود
خواتي أنا موصغيرة بالعمر بالعكس بالثلاثينيات يعني المفروض أقدر أحل مشكلتي بدون مساعدة بسسس خايفة مدري وين الحل الصحيح وودي تحطون نفسكم مكاني وتجاوبوني كيييف تتصرفون ؟
أنا يا خواتي متزوجة ومن بداية زواجي وزوجي أموره المالية تعبانة يعني أقساط زواج وتكاليييف وغيره من ملتزمات أيجار ومعيشة و و و وألخ
المهم من يوم ما رحنا شهر العسل خلاص قعدنا مكاننا وما فيه روحات ألا تمشيات في نفس ديرتنا يعني بر وغيره ومهو دايما بعد
المهم اللحين لنا 14سنة متزوجين وأمور زوجي تصلحت نوعا ما وأنا خلصت أقساط كمان لأني مقسطة بعض راتبي عشان بناء بيتنا المهم زانت أمورنا شوية الحمد لله يعني نقدر نسافر من دون ضغوط مادية وخاصة أذا وفرت من راتبي قبل السفرة بشهور
بسسس المشكلة !!!
ماأقدر أروح بلحالي مع زوجي لالالالالالالالازم معنا أمه وأخته مهما كاااان ولازم يعطيهم خبر عن سفرنا حتى لو نبي نروح خميس وجمعه بسسس!وهم عاااد يشوفون أذا بغوا يرافقوننا وألا لا!
يا بنات والله هذي أمه حبيبة علي وغالية وبمكانة أمي بسسس ودي أعيش أجواء حلوة مع زوجي بلحالي ودي أطلع معاه مجمعات ودي أمسك أيده ودي أشرب معاه كوفي بمطعم ودي نتعشى عشاء رومنسي بلحالنا !ودي أتكلم معاه وأغازله بالسيارة بدون حياء من حدّ!
وزوجي من النوع البار جدا جدا جدا بأمه لحد ماتتصورونه لو تبي عيونه يعطيها وأنا أشجعه دايما لأني عارفة أن بر الوالدين مفتاح الرزق بسسسس ماأدري هل أنا أذنبت أذا تمنيت أنه ما ترافقنا أمه أو أخته:(
وأحياناأتعوذمن أبليس وأحتسب وأقول ربي بيأجرني أن شاء الله لأن عمري راح وماتهنيت بسفرة حلوووة مع زوجي بلحالنا لأن حلاة السفر والوحدة صغيرة والزوج راضي عنها
وأتذكر مرة رحنا بدون ما يقول لأمه وتصدقون قعدت أنا أطلبه يتصل عليها ويقول لها وهو يقولي لا هي بتروح مع أخوي الكبير ونبي نخليها لهم مفاجئة يوم يجوون جدة يلقوننا وفجأة كنسل حماي سفرته وعلمهم أننا بجدة وزعلت علينا وقالت أكيييد قاصدين ماتبون نروح معاكم وصارت سفرتنا زفت وزوجي دايم طفشان:30:
والمشكلة خالتي حبيبة وقلبهاأبيض بسسس بنتها الكبيرة الله يهديها لنفسها تحرضها وتوزن الأمور بميزانها هي وتترجم المفاهيم على كيفهااا وخالتي من تسمع كلامها خلاص صارت وحدة ثانية مع أنها ماتبين بسسس وجهها يكشفهااا
وأنا والله ماعمري بحياتي كلها حرضت زوجي وألا قلتله ليش يروحون معانا أبدا عمري ماحسسسته لأنه موذنبه!
بسسس أنا ودي أقضي يومين مع زوجي بدون ماحد يتشرف علينا حالناحال خلق الله اللي يعطونهم أمهات أزواجهم فرصة يروحون لحالهم
والله ياخواتي أني قبل فترة رحت لمدينة تبعد عنا 400كيلو عشان أتقضى من محلاتها للعيد وقام علمهم وقال كان تبون تروحون معانا أعتذرت أمه لأنها تعبانه والبنت قالت معاكم !
ورحنا وأنا والله موحاسدتها بالعكس أنا اللي قلت له قل لهم أذا يبون معانا وكمان ودي أكسب أجرها لأنها يتيمة وقلت خل تتقضى للجامعة وموهني المشكلة المشكلة أنه كل اللي يصير معنا طول السفرة يكون بث مباشر ألى الأخت الكبيرة وتدق بالساعات وين رحتوا ؟وشسويتوا؟وكل ما حنا عليه عندها أول بأول !
والصراحة يوم سمعت كلامهم بغيت أجن من القهر يعني هي تروح مع زوجها للمكان اللي تبغاه ولاحسيب ولارقيب وماندري وين تروح وما عمرنا نعرف لين يحجزون التذاكر ونشوف بزرانها عندأمها وبعد سفر للخارج مو داخل البلاد
وعمري ما حسدتها صحيح أتمنى مثلها بسسس من غير حسسسد وأحنا تعرف حتى الوجبة اللي كليناها والله أنه قهررر
يا بنات مدري وش أسوي وشلون أحل هالمشكلة والله قمت أكره السفر وماأجيب له طاري بسسس لاشفت عيالي ودهم قلت يله عشانهم يتوسعون من ضيقة البيوت ويغيرون جوّ
وخالتي عندها ولدمو متزوج بسسس تقول ماأحب أسافر معه مامعه مادةلأنه مو متوظف
وأنا بحيرة كبيرة ماودي أظلم خالتي وبنتها وأحرمهم من السفر وودي بنفس الوقت أقضي أوقات مع زوجي حلوووة بلحالنا وخاصة أنه الديرة اللي نحن فيها ما فيها مجمعات ولاأسواق كبيرة ولا مطاعم ولامنتزهات يعني كتمة مرررة
والأكان طلعت معاه وعوضت بديرتي بدل السفر للديار القريبة مناّ
والله حتى لما نروح عمرة كل ما حنا عليه عند أخت زوجي الكبيرة وبكذا أنحرم أطلع مع زوجي حتى لمطعم لأنه لازم أخته وأمه معي لازم والأما فيه طلعة وكل اللي أشتريه مكشوف حتى أسماء المحلات اللي أخذمنهم معرووفة عندهم
يا بنات أنصحوني أنتم يمكن تشوفون المشكلة بوضوح أكثر مني
ساعدوني ماأبي أظلم ولا أبي أوظلم
أبي حل مدري وينه
وماأبي أكون سبب بقطيعة رحم
الله يوفقكم ويسعدكم
سبحانك اللهم وبحمدك أستغفرك واتوب أليك يارب ماتكتبها علي غيبة يارب مجرد مشكلة ابي لها حلّ