ودي أفرح .. بس خايفة عليها

السلام عليكم ورحمة الله
كيفكم يا اخواتي .. ان شاء الله تكونوا كلكم بخير وسعادة
طالبتكم في المشورة يا بنات حواء .. وان شاء الله ما تبخلون علي

هذا الله يسلمكم .. من حوالي اسبوع أكرمني الله بخطوبة من شاب الكل يمدحه
وانا الى الان مو قادرة احدد موقفي .. مو قادرة أرفضه وفي نفس الوقت خايفة اقبله
والسبب .. حبيبة قلبي ( أختي الكبيرة )

اختي تجاوزت الــ 30 وما تزوجت .. وهي عمرها ما قصرت معاي في أي شي احتاجه
بعد وفاة الوالد الله يرحمه تكفلت هي بكل مصاريفي الضرورية والكمالية حتى الجامعة أدرس فيها من حسابها الخاص
وانا خايفة زواجي يكون سبب لها حزن أو هم خاصة وانها حساسه .. ما ابغى بعد معروفها معاي اكون أنا سبب حزنها
أخاف بكره الناس يؤذوها بهمزهم ولمزهم .. أخاف بكره لما تشوف حياتي
كــ مخطوبه ـ مملكه ـ متزوجه ـ أم تحس بالحسره أو الحزن ..

أوقات أقول رح أوافق بس رح الغي فترة الملكة ( عشان ما اضايقها بالمكالمات أو الزيارت أو الهدايا اللي تكون بين المملّكين )
بس في نفس الوقت ما ابغى احرم نفسي من هالفترة
واحيانا اقول رح أوافق بس أخلي الزواج عائلي عشان ما تقابل ناس متخلفه ما همها إلا القيل والقال
بس اكيد أهل العريس ماراح يوافقوا لانه أكبر اولادهم
واحيانا اقول لازم ارفض واريح وارتاح .. بس الى متى وانا ارفض ؟

محتـــــــــارة .. مو قادرة أقرر .. نفسي أفرح بس خايفه عليها ..
مدري أنا مكبره الموضوع ولا هو فعلا صعب ..

شوروا علي .. لاتبخلوا علي بنصايحكم بليـــــــــــــــز .. لا حرمكم الله الاجر