ودي اتلاحق نفسي قبل ماالغي شخصيتي

السلام عليكم ورحمة الله وبركاته




اللهم صل وسلم على نبينا محمد


انا مشكلتي عويصه جداً جداً
ودي جد اتغير بس مدري كيف
أفكاري كلها مشتته لدرجة اني ماعرف وين المكان المناسب لموضوعي<تلمح للمشرفات:33:






بقولكم وضعي وانصحوني اقدر الناس الي تنصحني وتوعيني وتدعي لي<تلميح ثاني للعضوات:33:




المهم ياطويلات العمر
انا لسى بريعان شبابي بالعشرينات بس سبحان الله روحي وحركاتي حركات وحده عججوز تافله العافيه


كسوله درجه اولى
مااتحرك دايم لاصقه بالأرض لااله الا الله

وزني زايد جسمي يحتاج لرياضه
جسمي مااعتني فيه وحتى ترطيب مارطبه
شعري مكوش وحوسه وحتى اتروش ولاامشطه الله يخلف رحمه من ربي ان شعري ناعم ولاكان علوم

اذا جيت اطلع مافيني حيويه ونشاط شعري كعكع ومكياج خفيف ومااهتم ببرد أظافري وترتيبهم دايم مقصوصات

حتى بالجامعه كذا

والمشكله ان امي الله يسعدها ويطول بعمرها هي الي خلتني كذا كسوله واتكاليه
من كنت صغيره ماتحب اني اشتغل او اسوي شيء هي كل شيء تسويه لي
حتى لما كبرنا شغالتنا سافرة مده تخيلو تخلي اخوي يغسل الصحون والدبا الاكل يجيها لحدها

لااله الاالله


ماعندي طموح ولااحب الجامعه ومهمله دراستي جداً

مقهوره من نفسي جداً

صرت استصغر ذاتي بدرجه كبيره

والقهر قبل كم سنه ماكنت كذا
كنت شعله بالنشاط والاهتمام والدلع وكان عندي طموح

تو عقلي الباطني هزأني
يقول انتي شغلتك تنامين وتحلمين وتشغلين الخلق بتفسير وبس !!:icon810:

ودي اصير مثل هالبنات يهتمون بانفسهم ويتشيكون ونشاط ماشاءالله مع ان مو قاصرني شيء لأمن ناحية الشكل ولا الميزانيه الحمدلله
انا مدري اذا السبب يرجع هالشيء اني شاغله بالي وخايفه ماتزوج هو الي خلاني كذا او احساس بالنقص ان كل الي حولي تزوجو وانا لا !!

بالصراحه مدري وش فيني بالضبط


بس عطوني حلول للكسل وحب الذات وتطويره


والله يسعدكم يارب