ودي ارجع زي ماكنت ياهي كانت ايام ,, بس الدنيا لكعتني !

السلام عليكم ورحمة الله وبركاته ,,

وش سبهه الا ثنتين :42:

وش مطنشه ؟؟ وش مفهيه ؟؟

شي خطير

اشوف نفسي سابقا في وحده من اخواتي الان وابكي على مرور الزمن وتغييره :icon33:

هل هو تأخر في النضووج ؟ كنت اشوف بناات اصغر مني بكم سنه وفاهمين الحياة صح ؟او غلط < اختلاف المسمى باختلاف النتيجه :)


بناااااااااات كنت ماعرف شي اسمه كره عمري ما كرهت او ظنيت ان فيه انسان في الدنيا يستحق انه يكره

كنت مزووحه بس بخباله ودنيا ورديه وانفتاح كبيييييييييييييييييييييييييييييييير

لما تمر تجربه قداامي ما آخذها على انها تجربه ممكن تحصل لي !! ابدا كنت اقول حاله فرديه والدنيا بخير

كنت اشوف المسلسلات وما احاول اقلد اللبس او الكلام او المكياج او حتى التصرفات !! لان امي تكون معنا وخلت قاعده في عقولنا درجنا عليها : اللي تشوفينه في التلفزيون انسيه ماله دخل في الواقع وكنت اقووووم وانسى وش شفت !!
^^^^^^^^ هالجمله قلتها لان فيه كثاار مخلين المسلسلات والشخصيات محل تقديرهم واشووفهم يحبون يعيشون في الحياة مسلسل هم راسمينه في عقولهم وادوار هم حافظينها




اذا سمعت اول يقولون : مصرقعه قلبها صافي وتنسى << ما اقوم فيها لانها حقيقيه

بس اللحين ما انسى خلاص :( واذا قالوها اللي يعرفوني سابقا احس بالذنب لانها فعلا ماعاد صفه فيني ؟؟

اذا قالوا قلبها ابيض وما تكيد !!
ويييييييييييييييييييين تغيرت عرفت ان الدنيا ماتجي بالساهل واذا لم تكن ذئبا أكلتك الذئااب ؟

اذا تذكرت بعض المواقف البريئه لي قبل الزوااج وتودد اخواني ومرااعاة المشاعر وكيف كنت زجاجه وكلش يوضح علي وكلش يوضح من تصرفاتي واللحين وش صرت ؟؟
اول اي شي يحرجني واي موقف يخليني احمر واصير طماطه

اللحين خلاص وجه بن فهره خليت شي اسمه حياااااااااا


في صفااتي السابقه امووررررر احن لها

وفي صفاتي الحاليه امووور لو رجعت لصفاتي الاولى ضعت وخربت وصرت اضعف من الضعف !!

كنت اول ماني محتاجه للقوة ولا للكيد

اللحين غصب مواقف ترغمك على التفكير والتصرف والا ضاعت حياتك !!

اول جليسي القرآن واي كتاااب يقع في يدي << حتى ان الوالد اذا فقد كتااب يدورني >> فما كنت عايشه الواقع كنت اعيش في اوراق وحياة نسجتها لنفسي !!


كنت اكتب رويات واكتب خوااطر واكتب ابياات شعر حتى ان دفاتري بين الصديقات
ودفاتر التعبير معلمتي تقول : لو تعطى العلامه الكامله لاحد اعطيتها لك من الخيال الذي اعيشه مع كل جملة تعبير تخط على السبوره ,, كانت الوالده اللي يخليها لما تشوفني مكتأبه تقول : قومي البسي عبايتك نرووح للمكتبه !! ما احب السوق ولا اعرف الهوس اللي يعرفونه البنات !!<< دائما كنت اظن اني غريبه لم احب ولم اضع المكياج قبل زواجي ليس لعدم توفره بالعكس الوالده تريدني ان افعل واخواتي الصغيرات يفعلن ولكن كان لي فكره ان الله انعم علي بوجه لما علي تغييره !!!!!!!!! والناس لن يعجبون في الا عندما اغيره !!! واذا مره فليتها في عرس حطيت رووج :09: مع ذلك كنت اخطب وانا لا ازال في المتوسط ماشاء الله
كنت ادخل المكتبه ادفع 600 ريال وفوووق واحس انها هي المهمه بس اكتشفت ان الشوبارد والوي فيتون اهم !!


اللحين راح الخيال وراحت التعابير وراح التمتع بالكتب وحتى القرآن الله المستعان اذا قرأته يكون في عجل من دنياي المتشابكه

حتى القواعد ادخل الامتحان بدون ما اذاكار واللحين !! نسيتها :09:

الابحااث كانت ابحاثي مميزه بكثرة المراجع واللحين نسيتها !!



الان احاول الموازنه لا اكيد الا للضروره او اخذ حق من حقوقي
الا في شي خاص بي ولا اضر به احد << يعني ما اكيد علشان اغير زوجي على اهله او









ومع ذلك احن للماضي واريد ان اعود بلا قيوود بلا كيد بلا هموم بلا افكار وتمثيل
بلا انترنت << شفت هنا الهوايل من القصص واتعبني النظر الى اخوات لي الله يفرج لهن ويثبت اجورهنويسخر لهن ازوجهن
اتعبني المشاكل والقلق ولامسئولية الرجاال وعدم تطوير المجتمع للافضل

اقلقني التفرقه والتعصب والتربيه :26:


اتمنى ان تكون هذه المشاركه خفيفه على قلوبكن وكل عام وانت بخير واسال الله العظيم رب العرش العظيم ان يتقبل صايمنا وقيامنا وصالح اعمالنا ويعفو عن زلاتنا و لا يؤخذنا على تقصيرنا ويجعل هذا الرمضان فاتحتة لنا في الاعمال الصالحه ويجعل اعمالنا دائمه




البنت مكتئبه وجالسه تفضفض خخخخخخخخخخخخخ:)