الصراحة الوحده منا تتمنى دايماً تكون متزينه وحلوه

بس تبون الصدق وبتكلم عن نفسي...أحب اتزين بين فترات متباعده...وبعدين ردت فعل زوجي ما تساعدني...يعني لا كلمه ولا نظره...ألاحظه كل ما اتزين وألبس شي حلو يتجنب يشوفني ويحط عيونه فعيوني...كل نظراته تكون بالسرقه..يعني مرات ألاحظه يشوفني وقت ما أكون مشغوله في شي وطبعاً ما أبين له إني أشوفه...على شان ما يشيل عينه مني...وأول ما ألف صوبه يطالع في أي شي ثاني...أونه ما يشوفني...

ومع إني أشوف نظرات الإعجاب منه إلا إنه ما يتكلم ولا يعلق على لبسي ومظهري...ومره سألته ليش ما تعلق وتمدح لبسي وشكلي...وألاحظك ما تمدحني أبداً...بس تذمني وتنتقدني....

تعرفون شو رد عليّ...قال انا من طبعي ما أعلق وأمدح الشي يوم يعجبني وأسكت....بس إذا شي ما عجبني تكلمت وقلت ما يعجبني....

قلت له بس جذيه ما يصير...الواحد يوم ما يسمع من الثاني غير الذم والنقد..يصيبه إحباط يحس مهما سوى تراه ما يسوي شي زين....أما إذا حصل مدح بالعكس هالشي يخليه يتشجع ويستمر بالشي الحلو اللي يسويه ويحاول إنه يجدد في عمره... دام الثاني مستانس ومرتاح

شو رايكم مع إني يوم اتزين أحاول كل مره يكون شكلي مختلف على شان أجذب انتباه زوجي...بس شو أسوي بو طبيع ما ايوز عن طبعه

جربي هذا النظام اليومي السريع:

* خلي في سلة صغيره قريبة منك(في الحمام مثلا) المهم تكون امام عيونك.. مجموعة كحل ملونة(اسود، ازرق...) وروج.... قبل لا يجي زوجك حطي كحل في عينج وروج لونه فاتح

* جهزي مجموعة ملابس للبيت في جزء من دولابج... تنانير مريحة، تيشرتات ملونه وعمليه بس فيها حركات... جلابيات بيت منوعة حلوه والوانها فرايحية... بحيث ماتدوخين وانتي تختارين وتحتارين شتلبسين

*قصي شعرج قصه مختلفه كل فترة... خاصة الي ماتحتاج سشوار كثير مثل المدرج... خصل او غره... ومش لازم كل يوم سشورينه اصلا بيخرب... مثلا سوي ذيل حصان مره وسشوري الغرة بس...لمي شعرج ونزلي كم خصله وسشوريهم

*اشتري مجموعة اكسسوارات متنوعة... حلق.. اساور... وسلاسل.. والبسيها في البيت والله تغير من الشكل

*لا تنسين العطور... غيري ونوعي كل يوم عطر

*نعل البيت وانتي بكرامه... نوعي فيها... اشكال والوان تناسب كل لبسة

(هذا بشكل يومي... طبعا نهاية الأسبوع غيييييييييييييير.... والليالي الحمراء غيييييييييييييييييير :) )

نسيت اقولج ماياخذ منج اكثر من 10 دقايق يوميا

مها الامارات ........ بدر الخجل ..

تسلمون يالغاليات على المرور والمشاركه ..

مثايل95 ..

افكارك ونصايحك حلووووووه وبسيطه وان شاء الله اجبر نفسي اسويها وكل يوم ..

وتسلمين يالغاليه على المشاااااااااركه .

والله شوفي الرجال اللي ما يساعد زوجته ما يستاهل انها تتزين له
انا من زماااااااااااااااان عن الميك اب واللبس الشييييييييييييك بس مو معقول احط ميك اب واسوي تسريحه والبس ذاك اللبس واحمس بصل!!!!!!!!!!!!!!! وبعدين لا يكلف الله نفسا الا وسعها والله حتى ما انام الا خمس ساعات واحيانا اقل

يجيب لي خدامه وذاك الوقت يبشر بالزين والله اصير احسن من سوبر موديل اما يمسكني المطبخ والحمامات ويبيني أكشخ له حاااااااااااااااااااااااااااامض على بوزه