ودي افضفض واقول شي بخاطري كاتمني ..اسمعو لي

بسم الله الرحمن الرحيم
السلام عليكم ورحمة الله وبركاته ...
كيفكم ياحوائيات ..يارب تكونو بأحسن الأحوال ع طول

في موضوع مؤرقني مرره كثييير ماافكر فيه كثيييير

احس ان في شي ناقص بحياتي
ودي يكون لي مستقبل مرسوم وواضح اكون سعيت له وحققت لو جزء منه

انا درست لحد الثانوي ووقفت ..لأن ابوي رافض اني اكمل دراستي بعذر ان الكليات بعيده شوي يعني نص ساعه او ساعه إلا ثلث مسافة السياره عشان اوصل لها

انا اشوفها مو بعيده عادي ..وفي وسائل نقل وش كثرها ...
مع اني شاطره بدراستي ومتفوقه مرره مرررره وكانت نسبتي في الثانوي حلوه تخرجت بنسبت94%
قبل 6سنوات تقريبآ
وكان في خاااااااطري ادرس علم نفس ...أمنيه:(


قلت إن شاءالله يجي نصيبي بأسرع وقت واكمل ..
جلست 3سنوات وفتح معهد تقني وقمت سجلت بدون مااقول لأحد بس قلت لأمي ..وانقبلت ودرست 6شهور وكنت شاطره بكل شي ومعدلي حلووو
ابوي تقاعد واضطراري ننقل وبعد النقل جاء نصيبي وصارت ملكه ..رجعت مع خالي بعد الإجازه وأجلت مستوى واحد ع اساس برجع اكمل ..وزوجي ماكان موافق بس يقول براحتك بالأخير وانا كنت احس اني بكون ثقيله ع اهل خالي مع انهم حاولو فيني بس تركت المعهد بدون مااسحب ملفي

تزوجت وجبت ولد ودائمآ اقول لزوجي ابي ملفي بكمل عن بعد عادي وأي قسم عادي اهم شي ادرس ادررررس
ورافض نسافر ويقول لاأكلم المعهد واطلبهم الملف لين يقول لي ..
وكنت ناويه احن عليه هالسنه اسجل
ومن نحاستي طلع ماعاد فيه تسجيل تعليم عن بعد نهائي لأن الأعداد هائله وآخر دفعه كانت العام بيخرجونهم وخلاص :(

عرفت ان مالي حظ في الدراسه اهي اهي
ودي ادرس لو اي شي لو كذاب بس أكمل

يمكن موضوعي يكون عادي لغيري او تشوفه ماله داعي او اي شي
بس بالنسبه لي هالموضوع متعبني وشاغل تفكيري

فياليت اللي عندها رد يسد النفس مو لازم تكتبه
وكل وحده بتقرأ موضوعي و بتتفاعل معي ربي ييسر امرها ويشرح صدرها ويجمعني انا وياها بالفردوس الأعلى ..ويحق كل مافي بالها ...آميييين

ادعي وانا صايمه ..