بنات انا لي ايام مصدومه.
ليش الطيب با الزمن مبدول وكاسرين خشمه
المهم ادخل بالموضوع ورجاء اي وحدة تقرا موضوعي تحط نفسها محلي وتقولي وش بتساوي
انا متزوجه من ولد خالتي وعندي ولد وانا بالرياض وأهل زوجي عايشين بمحافظة بعيدة عن الرياض 180 كيلو
وانا وربي طيبه معاهم لدرجة انهم اذا طلبو مني اي شي اسويه بطيب خاطر وكنت اجيهم
وازورهم ولا اقصر بشي ولاعمري تكلمت فيهم او سمعو مني شي يضيق صدرهم وكنت طول 3
سنوات من زواجي غبيه ومدري وش يصير من وراي المهم تزوج حماي اخو زوجي من بنت خالي
وسكن بالمحافظة بشقه عند أهله وما مر سنه ع زواجهم الا صارت مشاكل ومن خلال زيارتي لهم
كانت بنت خالي بالبداية تضحك وتسولف بعدها تغيرت صارت بس ساكته وتسولف بس كلامها
قليل المهم تخانقت مع زوجها ودق ع إخوانها وقال خوذ أختكم وراحت الله يستر عليها بس اللي
صار انها دقت علي مره وقالتلي كلام واللي خلاني اصدقهااا انها ذكرت أشياء انا ما قلتلها
عليها وهي عندي المهم حسيت ان الله ارسلها لي عشان اصحى من الغباء اللي كنت فيه
وبنت خالي ماتحب احد يتكلم بأحد وردت عليهم وقالت انا ماتحب هال كلام
تقول من تزوجت وهم يسبون فيك اللي هي انا تخيلووو انا أهديت لأخت زوجي كتاب طبخ من
فلوسي ام ريما وتقول للناس ان زوجي شرائه لي عشان اطبخ واني مبدوله ما طبخت فاخذه مني وعطاه أخته وهي كذاااابه وتقول اني مابي خالتي تجئ عندي واني وسخه وبيتي وسخ
وانه لولا ولدي ليطلقوني والله اني مظلوووومه وهم اضلموني
من غير اخوه يمشي بين اهل عمه ويتكلم فيني يقول انهم ادبوني وربوني وكاسرين خشمي والله العظيم انه سمعته يقول لزوجي زوجتك تمشورك عشان قلت ابي اروح لأهلي
واخوه هذا بتزوج وانا من قهري دعيت وقلت يارب تسلط عليهم زوجة ولدهم تقويها عليهم
عشان يعرفون قدري
انا الحين ضايق صدري وش اسوي
دلع x دلع @dlaa_x_dlaa
عضوة فعالة
يلزم عليك تسجيل الدخول أولًا لكتابة تعليق.
يمكن كلامها صح ويمكن لا دام انك عاشة ومرتاحة
لا تخلين هالكلام يغير حياتك من احسن الى اسوء
انتي عايشة مرتاحة
يمكن بنت خالك مقهورة وقالت اي كلام
ويمكن دايما يمدحونك قدامها في غيابك او يقارنونها بك في غيابك وهي مقهورة
فجابت الكلام بطريقة تكون ضدك
دام ما شفتي منهم شئ في وجهك
لا تفسدي حياتك بيدك
لا تخلين هالكلام يغير حياتك من احسن الى اسوء
انتي عايشة مرتاحة
يمكن بنت خالك مقهورة وقالت اي كلام
ويمكن دايما يمدحونك قدامها في غيابك او يقارنونها بك في غيابك وهي مقهورة
فجابت الكلام بطريقة تكون ضدك
دام ما شفتي منهم شئ في وجهك
لا تفسدي حياتك بيدك
طنش تعش تنتعش ,, عيشي حياتك وماعليك من كلام الناس لانتي بقادره تسكتيهم ولا تتمشكلي معاهم ويزيدون الكلام عليك بشي ماقلتيه ,, هم بديره وانتي بديره وزوجك معاك اوكيه لاتكدريه بالمشاكل بعدين تولع المشكله ويفتحون عيونه على عيوبك ولايتبلونك بشي ماقلتيه,, لاتخلين الحريم يخربون عليك بيتك ,, وحتى لوظلموك وقالوا عندالناس إنك كذا وكذا ,, الناس لها عيون وتشوف معاملتك واخلاقك وحبل الكذب قصير ومصيرهم يكتشفون , وبنت خالك شي حلو أنها تدافع عنك والأحلى انها ماتنقل الكلام بين الناس وتسبب الوقيعه نصيحه لاتتعمقي معها في مواضيع أهل زوجك لانها شايله بقلبها عليهم وشي طبيعي راح توصلك اغلاطهم عليك وانتي راح تنفعلي وتحطيها بقبلبك لانتي قادره تاخذين حقك ولا قادره تنسي فلا تسمعي من البدايه احسن لك ,,
ام رها
•
يعني وش بتسوين تسمعين كلامها وتخربين حياتك زي ماخربت حياتها ،، وش جنت من معاملتها الا الطلاق تبيك تصيرين مثلها وليش تقول لك الكلام بعد ماتطلقت ؟؟ فكري في كلامها وشوفي اهل زوجك وشلون يعاملونك ،،، كلامهم عنك ماراح يضرك في شي كلام وفي الهواء ... الزم ماعليك زوجك وعيالك وبيتك وهم عامليهم بالمعروف .. ولو انا في موقفك راح اسوي زي ماقلت لك وزيادة ماراح اسمح لها تنقل لي كلام عنهم ـعلشان ما تشين النفوس فقال الرسول عليه الصلاة والسلام: ((دعوا لي أصحابي، دعوا لي أصحابي إني أريد أن أخرج نقي الصدر لهم)).
الصفحة الأخيرة
(أتاء رجل لعمر رضي الله عنة مفقوعه عينه فقال فلان فقع عيني ياأمير المؤمنين فقال أتوني به فقالوا الصحابه ما أنت فاعل يأمير المؤمنين بهذا الرجل فقال ربما فقعة أعيناه الاثنتين )