ورحل ابني قرة عيني

السلام عليكم

صباح الـ :26::26::26:

اللهم لك الحمد كما ينبغى لجلال وجهك وعظيم سلطانك
اللهم لك الحمد حتى ترضى ولك الحمد اذا رضيت ولك الحمد بعد الرضى
إنا لله وإنا إليه لراجعون

رحل ابني وقرة عيني في يوم الأثنين الموافق 26\1\1429 هـ
عن عمر سنه و3 اشهر وعشرة ايام

كان طفلي البكر ومنذ ولادته يعاني من صعوبة في التنفس ومكث في الحضانة 8 اشهر
وكنت اتردد عليه يومياً حتى انه اصبح يبكي عندما تنتهي الزيارة واخرج منه آآآآآآآآآآآآه الى الآن صورته بين عيني
وهو يبكي عندما اخرج منه قلبي يعتصر الماً وحرقه لكن ماباليد حيلة
الى الآن وانا عندما اجلس وحدي واتذكره ابكي بحرقه ودموع تنهمر كماء المطر
وخرج من المشفى وكم كنت فرحه به واحاول انه اعوضه لانه كان ذكي جداً وحركته طبيعيه فبدأ بالمشي
كل شيء فيه طبيعي ماعادا صعوبة التنفس ومستوى الذكاء عااااااااااالي جداً
حتى انه لما بلغ شهرين فتحوا له فتحه في الحنجرة للتنفس
وتحتاج الى مرعاة وعناية وتنظيف
المهم كنت اخاف عليه مره ولا اطلعه اي مكان وكان عنده تطعيم العنقز في شهر ذو القعدة وكانت الدنيا بررررررررد
خفت عليه اطعمه اخاف يبرد
المهم مره كنت في المدرسة وجالسه مع معلمة وتسولف عن وحده من قريباتها وجاها عنقز ووصل للرئتين وتوفت
قلت لنفسي يابنت هالفترة منتشر العنقز الحين يجي ولدك ويجيه شيء وتندمين
ورحت فيه للمستوصف وطعمته قبل وفاته بأسبوعين
طبعاً من طلع من المشفى اخذته امي عندها الله يجزاها الجنة وصار عند اهلي اجيبه احياننا
اوديه معي لاهل ابوه
نزوره دائما بس مبسووووووووووووط عند اهلي بيتهم خرشه ووناسه
ولاعندهم صغير غيره ومدلع ومهتمين فيه
حتى انه خواتي الصغار يعطونه اللاب توب يلعب فيه ينبسط
المهم من طعمته الولد تعب تعب التطعيم العادي
بعدين صار تجيه حالة بس يبكي ولا يبي شيء ويزرق لونه وينشف حلقه ويشد شعره تكررت يمكن 5 مرات
اوديه طوارئ المشفى يقولون فيه كتمه وهات يااكسجين
بعدين يقولون تبون ندخله العناية يقول ابوه لا حرام الولد يعرف مانبي نقهره
المهم
ذاك اليوم زوجي مسافر
ورحت نمت عند اهلي ونمت انا واياه وطوال الليل نومته طبيعيه وقبلها باليل كان يلعب نعطيه فرشاة اسنان نقوله فرش اسنانك ويفرش اسنانه ويضحك
وكانت اختي شايلته وياشر لابوي ويقول مع السلامة بيده
المهم قررت اغيب عن الدوام وكان وقت اختبارات نهاية الفصل الاول
انتبهت الساعة 8 الصبح وليدي نايم وقربت اسمع نفسه طبيعي ومرتاح
قلت خلي اروح للدوام اغيب الغياب ليوم احتاجه فيه ورحت الساعة 8 ونص وصلت للدوام
وكنت جالسه في مكتب غير مكتبي في غرفة ثانيه
جابت لي وحده الجوال قالت تراه امك دقت عليك كثير حاطه نغمة مميزة لامي
المهم
كلمتها قالت ولدك تعبان ماودك تجين تودينه للمستشفى كانت الساعة 9 ونص
قلت الا هذاني اجي
واستاذن من المديرة الله يجزاها خير واقرب سيارة لي كان سواق حمولتي واطلبه
وارح لبيت اهلي
وادق على اختي كانت غايبة
قلت لها انا قريبه منك دفي ولدي وطلعيه علشان ماانزل ونتأخر
قلت طيب بعدها دقت امي قالت انزلي
قلت انا هاه طيب
ونزلت
والاقي امي وابوي واختي بالصالة
وابغى اركض لفوق لانه ولدي فوق
ويمسكوني ويسمون علي
ويعلموني انا وقتها طااااااااااااااااااااااااااااااار عقلي ماصدقت
وعلى طول تذكرت حلم شفته من 6 شهور وقلت فيه دعاء وتذكرته وقلته
اللهم لك الحمد كما ينبغى لجلال وجهك وعظيم سلطانك
إنا لله وإنا إليه لراجعون
سبحان الله ذاك الحلم كان زي الدرس لي
وبعدها على طول عطتني امي عصفر وجلست ابكي
واقولها يمه وشلون مات انا مازعلت بس عسى الموت ماوجعه
عسى ماتعب
وهي تهديني
سبحان الله طلعتي من عنده للدوام كاني مأموره وربي راحمني مااشوفه
تقول امي بعد ماطلعتي بشوي صحى ورضعته وكان طبيعي وبعدها جته الحشرة وتوفى

والحمد لله

والحين انا حامل في الشهر التاسع ادعو لي انه ربي يخلف علي ويعوضني

والحمد لله اولاً وآخراً