وزني زاد عشرة كيلو خلال شهر

السلام عليكم اخواتي في الله


عشت ثنين وعشرين سنة وكانوا الناس ماينادوني غير العصاقيل والهريانة ....الخ
والآن الحمد لله اصبح وزني ستين وطالعلي خدود ايضا.
كثير نقرا عن خلطات التسمين والمزيد المركز الي طعمه يجيب المرض.
واكثرنا مافكرت وش يعني سعرات حرارية .
اول شئ حطي قدام عيونك هدف انك تسمنين وانك لازم تسمنين.
بعدين اكتبي في محرك البحث قوقل (جدول السعرات الحرارية)واحفظي الجدول على جهازك والأفضل تحفظينه في جوالك او اكتبيه في ورقه خارجية ومن خلاله ابحثي عن الأكل الي تاكلينه وشوفي سعراته كم اذا كانت قليله استبدليه بطعام اكثر سعرات
مثلا انا استبدلت السنكرس بالبونتي
واستبدلت التانج بالفمتو
وكل وحدة تشوف المهم اي شي تاكلونه وركزوا على الأطعمه العالية السعرة واحسبو سعرته بالجوال عشان يكون اسهل عليكم
واخر اليوم اجمعوها المهم انها تتجاوز على الأقل الألفين وكل ماتعديتم هالرقم صدقوني بتسمنون اكثر.
يالله اتمنى لكم السمنة والتوفيق ورضا الله واتمنى تدعولي بالزوج الي يسعدني.