وزني من 80 الى................69واآكل ماحرمت نفسي

السلام عليكم ورحمة الله وبركاته

انا اختكم حلايا غير ..............كنت محرره سابقا وللاسف ضاع المعرف مع الوزن الظاهرهاهاها


سجلت من جديد عشان اكتب تجربتي


على بالي
الزبده


رجعت بعد اجازة رمضان والوزن يتأرجح بين 80 و81

انهبلت يوم شفته حتى ايام النفاس مااوصل لكذا....والحمد لله والله اني بين جسمي كاني نازله 20 كيلو والكل اخرتها البارح معزومه يسالوني
ايش سويتي

قولوا ماشاء الله تبارك الله ..الله يجزاكم خير


انا مدرسه وعندنا في العمل موظفه تقول يوم شفتك من وراء اقول هاذي طالبه داخله غرفة المعلمات الصبح

عاد انا تشققت من الوناسه
والله وديت اغلب ملابسي الخياط يضيقها لانه بالمقاسات فرقت كثير


حتى المؤخره راحت النصف يمكن لانها كانت علامه مميزه في العايله:16:



الخطوات الاساسيه لانقاص وزنك:



1-االعزيمه والرغبه الصادقه والاصرار على انقاص الوزن بس بشكل صحي.
لاننسى مايأتي بسهوله يذهب بسهوله

لو نحفت بسرعه باارجع بسرعه.....مالفايده


2-انا اجعل طريقتي لانقاص وزني منهج حياه ((اتفلسف)) :27: يعني طريقه دائمه لتناول الطعام والله بتتعودون وتكرهون كثرة الاكل


3-انا احب الطعام والشيكولاته بس وحده وحده شويه شويه نجحت سويت زي الرابح الاكبر الشوكلاته قدامي مااكلها


4-نبدا بنظامي من الصباح الساعه :time:خمسه اقوم لصلاة الفجر واشرب كوب كوفي بس دايت الحليب المراعي قليل او منزوع الدسم والنسكافيه الي بدون كافيين في كل مكان واثنين سكر ذره وبعد شهر صرت احط واحد سكر ذره والان بدون سكر
وطبعا لامبيض ولا غيره والطعم خيال


بعد ساعتين .......ملاحظه لايمكن اكل او اشرب قبل مرور ساعتين فنجال قهوه عادي مع تمره او قطعه صغيره جدا كيك

بعد ساعتين اللى ثلاث ساعات الفطور ربع الخبزه برمع عصير اناناس الكويتي خالي من السكر وطبيعي حلو
وشويه شويه ممكن النصف وبعدين ايام الدوره خبزة البر مع جبن قليل الدسم طبعا
:time:

بعد ثلاث ساعات الغداء سلطه وفيها كل الخضار الي في الثلاجه ورشه نعناع جاف وشوي زيت زيتون محسن للطعم واربع ملاعق رز الى ثمان وقطعه صغيره لحم اودجاج ممكن شوي ايدام

بس في اول الايام عبي المعده بالسلطه وبعدين اللحم والرز

والى الان لو انعزمت مطعم او بوفيه او عشاء ابدأ بالسلطه ولوغرفت في صحني لازم لازم لازم


الربع....رز


...............الربع الثاني لحم او ايدم

النصف السلطه او الفتوش او التابوله.



وانسي الحلا بعد الاكل
بعد ثلاث ساعات ضروري بعد هالاكل الدسم ثلاث ساعات



في العصر فنجال قهوه وتمره او كوفي او شاهي طبعا سكر دايت


من اربعه لسته اشتركت في نادي العب رياضه وتمارين مع المدربه ولازم الاصرار والصبر والتحمل ونظغط على انفسنا

والله اني مريت بضروف لايعلمها الا الله

شغالتي هربت حسبي الله عليها وابتلشت بالصغير وكنت دايم اكتب معاناتي


المهم اصريت وواصلت ولاتنسون شغل البيت وبيتي دورين وملحق يعني طالعه نازله طول الوقت
والله ماسمنا الا هالشغالات الله......................


المهم وزن طفلي 11كيلو ماشاء الله تقريبا وعمره سنتين الان اذا طلعت فيه الدرج مااوصل الا انقطع قلبي

وانا نزلت 11 كيلوا


قلت ياعمري يانا كل يوم كتنت اشيل هالكيلوات واقول ليش اتعب


بعد السابعه علبة زبادي لليوم الثاني


وتوته توته خلصت الحدوته


اشرب الماء يمكن 10 اكواب يوميا.....


لاباس ترمس شاهي اخضر اوقشر سويه وطول اليوم اشربي منه

اونعناع وزنجبيل هذولا اساسي واحد منهم بدون سكر ابدا .

بس لازم العزيمه والاصرار واجهت ضروف وتهزيء من ابو العيال وخصام على الطلعهبس قررت الصمود الان تقريبا اهملت الحميه بس وزني مازاد والله من شهر لاني خليته نظام حياه واذا اكلت احرقته بالحركه بااريح للدوره وبعدين بانقص 5 كيلوا ابغا اوصل 65

وخلاص
.

ممنوع الاكل بين الوجبات بتاتا

ممنوع الشيبس الشيكولاته

هاذي كلهلا بتشوفينها غمضي عيونك

واذا كنتي في المطبخ تطبخين


حطي في فمك علكه علشان ماتتذوقين الاكل وبدون سكر انا احب العلك القديم علك البخور او اللامي او الشامي مسميات عديده ان شاء الله تعرفوها


وهذا الوزن نقصته في شهرين ونصف الى ثلاثه شهور والطبيبه قالت باذن الله مايرجع وانا البان لي شهر مارجع ابد


بالرغم صرت انقنق في العشاء شويه.

لاني اخاف على بشرتي وشعري ماني ناقصه.

والله يوفقكم لاتنسون تدعون لي بصلاح النيه والذريه وااوصل للوزن الي ابغاه بخير وعافيه

ودمتم سالمين