وسواس الموت !!

السلام عليكم
طبعا ماعرف من وين ابدا انا من لما كنت طفله بالابتدائي وسواس الخوف من فقد امي محاصرني
اقسم بالله ادري كلنا بنموت وكلنا بنروح وهالشي جالسه اقيسه على نفسي وعلى ابوي وعلى اخواني واكون عادي

لآكن عند امي لو افكر بس يوم افقدها وربي ابكي بدون شعور وتجيني ضيقه وهو مجرد وساوس وتهيات واجلس افكر

معقول بيجي يوم ماشوف امي ولا اجلس معها ولا شي بتروح مني !!

امي فقدت امها بسن صغير وعمرها 20 سنه ماتت جدتي امي تقول مافرحت فيني مثل باقي الامهات ولا شافت عيالي

ولا زوجتني والى الحين امي كل ماتتذكرها تبكي بدون شعور مع ان جدتي متوفيه لها 42 سنه

وتقول امي بعمري مانسيتها او غابت عن بالي انا وحده مادري هو تعلق بامي او وسواس تصدقون حتى الطلعات ماطلع الا مع امي

وذا طلعت عند صديقه عزمتني او قريبه اول ماكمل ساعه او ساعتين اجلس اشوف الجوال واكلم امي وخليها تجي تاخذني

وسواس الموت بامي محاصر حياتي يعني بسم الله عليه ابوي لو افكر انه بيموت صح بتاثر بس بقدر اكمل حياتي لان علاقتي مو مره مع ابوي رسميه شوي

بس امي احس بتنتهي حياتي لاني بالذات البكر واكبر بناتها وهي ماتطلع ولا تروح الا معي