وشذا؟؟؟؟؟ وين اهله ؟؟؟؟؟؟؟

بسم الله الرحمن الرحيم



وين اهله ؟؟


كلمه ممكن نقولها لطفل او مراهق بدر منه تصرف او عمل غير مرغوب فيه اما لانه غلط او عيب او حرام

مثلا لما نشوف طفل في العاشره من العمر ويدخن
او شفنا مراهق يفحط او طفل يسرق من محل

اول كلمه بنقولها >>>>>>>>>> وين اهله ؟؟؟




لكن اللي انا شفته شي غريب شي يضيق الصدر




وانا طالعه الصبح الساعه 6 تقريبا اوصل اختي مدرستها

شفت عجوز رجال كبير في السن يمكن عمره 70 او اكثر بعد

لابس ثوب صوف كحلي قصير نص الساق ومنشق من الصدر يعني الازرار مقطعه

ولابس تحت الثوب فنيله صوف حمراء ولابس برجله وانتو بكرامه شبشب الهنود هذاك ابو اصبع مقطع رايح فيها

ومعاه عصى مكنسه يتعكز عليه ويمشي بطريقه مخيفه شوي يركض وشوي يمشي ويكلم نفسه ولما شافني غطى وجهه باشماغ

بصراحه لما شفته وقفت مكاني وفوق راسي عشر علامات تعجب !!!!!!!!!

من وين طلع هذا ؟؟ معقوله في حارتنا ؟؟؟

ولو انه ما كان لابس شماغ مقطع رايح فيها كان ماصدقت انه سعودي


المهم كملت طريقي وصلت اختي

وانا راجعه شفت شي تمنيت اني مااااااشفته

لقيت الرجال هذا جالس على التراب في ارض كلها زبايل وانتو بكرامه

ويلعب في التراب يشيله ويرميه في الهواء وعلى ثوبه

انا وقتها جاء في بالي كم سؤال

هل هو شخص طبيعي ؟؟
من لبسه وحركاته احس انه مجنون
لانه حتى لو كان فقير ماراح يلبس فنيله حمراء تحت الثوب ولا يجلس عند الزباله
ويكب التراب على نفسه

وين اهله؟؟؟

شخص مثله وفي العمرهذا اكيد بيكون عنده عيال طيب وينهم ؟؟ كيف تاركين ابوهم كذا؟؟ ولو ماعنده عيال اكيد بيكون عنده حرمه لان حارتنا كلها عوائل مافي عزاب وكلها بيوت ناس مشاء الله شبعانين سكن ارامكوا كلهم
الرجال هذا من وين جاء ؟؟

انا والله ضاق صدري ودي اني قدرت اساعده بس خفت شكله غريب ومخيف بعدين انا بنت ولحالي وش بيدي اسوي له

بس من ذاك اليوم وصورته قدامي وكل ماتذكرته ضاق صدري :( :( :(


وقتها عرفت اني في نعمه والحمد لله في بيت ومرتاحين ومن شاف مصيبه غيره هانت عليه مصيبته

لكن اللي ابيه منكم اللحين كم سؤال ابسالكم وابي منكم اجابه لو سمحتوا

1- المنظر اللي انا شفته فعلا يضيق الصدر ولا انا مكبره الموضوع

2- لو انتو مكاني هل بتساعدونه؟ وكيف بتساعدونه؟

3- طيب لو شفته مره ثانيه وش اسوي ؟؟؟