السلام عليكم ورحمةالله وبركاته00
ماعرف بالمقدمات ومالكم بالطويله انا متزوجه 8سنوات والاموربيني وبين زوجي كثيرحلوه والحمدلله
صارفيه فتره كانت الظروف مرررررررره زفت عشان الترميم وكنت فترتها حامل المصيبه بدات من هنا
كنا بعادعن بعض وصاريسهرمع اصحابه ويروح لطريق المشاة يمشي هو واصحابه يوميا ويدخلون مقاهي كوفي وصالة بلياردوومن هالكلام خفت مكالماته لي
وماصارفيه اهتمام نفس قبل ةحسيت بفررررررررررررق كبير وبديت ابحث عن السبب واسئله والادهى والامر خلقت له عذر قلت يمكن عشان الماديه والترميم لدرجه بعنا كل شي عشان هالبيت وصبرت على تقصيره كثير وبعدمارجعنا خلص البيت بس بقت الظروف زفت بالقطاره اروح للسوق وبالقطاره اثثت بيتي عاد ياليت فله لا دوربس اكل الي ورانا وقدامنا لدرجه الكل لاحظ علي ماصرت اروح للاسواق ولااحضرمناسبات والسبب متعوده اروح وانا كاشخه واحلى عطروالكل يسالني من وين اغراضك واليوم اه بس الحمدلله على كل حال
واكتشفت بعد مارجعت رسايل واتصالات من حقيره وواطيه وكل ماذكر هالشي امووووت مليون مره احس بنارتشتعل بصدري وكبرت المشكله سالته من هذي ومن وين عرفتها وانكروقال لصديقي مولي قلت طيب ليش موبجواله ليش رقمها ورسايلها بجوالك انطرم ماتكلم كبرت المشكله ورحت بيت اهلي قلت انا حارمه نفسي كل شي عشانك وتبخل علي بكل شي حتى رسايلك ماترسل ولاتكلم الا واجب وبس وهي تعطيها كل وقتك وقعدت عنداهلي هذاالمشكله بعدسنتين من ولادتي اكتشفتها وجاءوتعذرودخلواهله بالموضوع ورجعت عشان عيالي وحاولت انسى خيانته وماقدرت رجعنا حق بعض بس فيه تحفظ كثيرمنه على الجوال ورمزسري مع انه قبل ماكان كذاكان يخليه عندي فاتح ويروح للمسجد وهو عندي الحين حتى الحمام عزكم الله يدخله معه موقادريتركه عندي وبالصدفه
كان قاعدعندالتلفزيون وجاءولدي يلعب بجواله عندي
انا بغرفتي استغليتها فرصه وسويت بحث واكتشفته دازلها مسج والتقريرحق الرساله موجودوانجرحت للمره الثانيه وماقدرت سالته ليش دزيت لهارساله اليوم انتم لسى مع بعض موقادرتنساهاانقلب وجه قلت وين ابوك يشوفك لماجاني يطلب رضاي وارجعلك شهدلك بالرجوله ومربيك احسن تربيه وانت مو حق هالسوالف وينه يجي يشوف ولده قال عذراقبح من ذنب قال ازعجني الرقم دزيت رساله كلها سب مابيني وبينها شي واصلا يمكن رجال مو بنت ليش تكبرين الموضوع اتصلت فيها وهو كان بالدوام وردت بعدطلعت الروح والحقيره فاسخه الحياءلاخوف ولا ذمه ولاعندها ذرةاحساس وداربينا الي دارولما جاءمن الدوام قلت له ردت علي صاحبتك وقالت لي كل شي انكروحلفت بالله ان اذوقه الي ذقته وصارخنته مع غيره بس مكالمات ورسايل ووالله مافيه من قلة الادب شي بس شكيت له من زوجي وقالي ياتصبرين عليه ياتبتعدون عن بعض المهم ترتاح جميع الاطراف يمكن مدة معرفتي بالرجل اسبوع بس ونصحني وقال مايصيرتعاقبينه بخيانه انتي مبين عاقله وواعيه انا انصحك نصيحة اخ وبس وحسيت نعمه من ربي اني طحت فيه موفي غيره ورجعني ربي حق الصواب وبعدها اتصل فيني رقم لما رديت قال انا عبدالله انا من طرف البنت الي يكلمها زوجك والبنت تتوعدفيك ان تجيب راسك ووزعت رقمك علينا انا والشله بالاستراحه قالت ابي راسها ابيها تتذلل عندارجولي تطلب رضاي فاستغليتها فرصه وسالته عنها انا اعرف قبله ان البنت شمال الرياض ساكنه وقالي نفس الشي قلت ابي كل شي عنها قال بالفم المليان البنت لقيطه ومتبنيتها عائلة الزومان بالرياض وتلعب بذيلها مع الكل موبس زوجك لا غيره كثير وعندي صورها عاريه وعندي اشياء اثبتها عليها وقفل الخط وغيرت رقمي واتصلت بشيخ بهيئةالامربالمعروف والنهي عن المنكر وقلت له كل شي ونصحني ماصارح زوجي ولا اي وحده تكتشف خيانةزوجها تلتزم الصمت وتبحث عن الحلول اخذرقم البنت مني وقلت عن عائلتها وقالي الشيخ صارحي زوجك بالشاب اللي اتصل فيك يمكن يكون كمين لك ويعطون زوجك التسجيل حق صوتك واذاعصب عليك قولي هذي عقوبة ربي فيك اقتص الله الحق هي تكلمك وصاحبها يكلمني وبالفعل عرف زوجي واشتعلت نااااااااااااااااااربصدره وبردقلبي ولما عصب قلت هذي هي عقوبتك ولاتنسى عندك بنت واخت يمكن الله يبلاك في عرضك لاتستهين بنظرربك لك غيررقمي واعتدل بس فيه مشكله اعاني منها
باااااااقي يابنات متحفظ على جواله ورمز قفل ولا اقدراتصل فيه ولا ارسل منه رسايل هو يكتب اي رساله ابي ارسلها واذا بكلم امي عشان رصيدي خلص يكون على راسي مايرضى يبعد كيف اتصرف معه والله تعبت من الشك مع اني تغاضيت السنين اللي راحت والحين قاهرني بهالحركه تعتقدون باقي معها والا والله احترت دلوني الله يفرجها عليكم مابي اتعب اكثر من كذا يمكن يكون فيكم راي سديد وادعولي ياخواتي والله اني بهم متحمله حتى اغلاط اهله علي وابتلاهم علي وظلمهم صابره عشان عيالي وزوجي وهذا زوجي يجرحني يارب الاجر والمثوبه والله اني انحرمت من اشياء كثير عشانه تقدير لظروفه والنتيجه على حسابي 00
حيرةالضامي @hyraldamy
عضوة فعالة
يلزم عليك تسجيل الدخول أولًا لكتابة تعليق.
شجره طيبه
•
الله يكون بعونك يااختي
اسأل الله العلي العظيم ان يؤلف بين قلوبكم في هذاء الشهر الفضيل وان يبعد عنكم بنات الحرام
الله يجمع بينكم بالحب والمودة ومدري ايش اقولك وانا اخنك بس ربي معاكي موفقه حنا يالحريم لنا الصبرررر مابيدنا شي
الصفحة الأخيرة