والله يالحبيبات انا اللحين في الأسبوع الأول من الشهر الثامن حاسه بثقل موطبيعي طبعاً يوم العيد جلسوا قريباتي يعلقون علي يافلانة سمنتي يافلانة المؤخرة عندك ,,,,لاتعليق
طبعاً انا واثقة من نفسي وطنشتهم
ويوم جاء اليوم الظهر وابو الشباب راح للبر مع ربعة دخلت غرفتي
وقلت بدال ماأجلس على النت كالعادة خلني مير اهز الخصر علمكم الحركة بركة والدخل على موضي الشمراني بدون موسيقى وشغل ذاك الطق وقوم اهز يوم شفت عمري في مراية التسرحة يوم قامت الدنياء تدور بي تدرون وش شفت
شفت مؤخرة طلعت لي اشك انها تبعي ولله ياوخياتي صدقوا اقاربي يوم يعلقون علي بس ماتوقعت شكلها كذا تقولو احد حاشي وراي مخداااااات
انا بعترف لكم اني سمينه بس شكلي يوم دخلت السابع كبرت عندي الهانم واتوقع من كثر الجلوس تتوقعون بسبب الجلوس
لأني حصل عندي نزول واعراض ولادة مبكرة وعطوني المستشفى اجازة وخبركم لاشغل ولامشغلة مسنترة على النت
سؤالي ياحلوات
ابي انحف بعد ماولد واقوم بسلامة وخبركم الرجيم ممنوع في النفاس وش الحل
وبقولكم حاجة ابو الشباب يعلق على ليش ماتنحفين شوفي فلانة وعلانة وقبل ماحمل إذاركبت السيارة يسالني ماتحسين السيارة مالت
الله يخليكم ساعدوني تراني مصدومة من الحبيبة وابي انحف إذا طلعت من النفاس اسعفوني
وتقومين بالسلامه
ويحقق لك اللي تتمنين
عصير التفاح الطبيعي
يساعد على القضاء على الدهنيات والسموم في جسمك وابتعدي عن النشويات
واعملي رياضه
هذا اللي قدرت اني افيدك فيه
بالتوفيق