وش الحل مع ابو عيالي جنني بالبيت --- :)

مرحبا حبيباتي ومساءكم جميل

قبل ما أبدأ بالموضوع كلكن تعرفن ان البيت ممكلة المرأه وانا طبعي ببيتي احب اسوي كل شئ
ما احب احد يتدخل فيه حتى لو زوجي من ناحية النظافه وتركيب الديكورات وغيرها

هي مومشكله اعتبرها بس احيانا يطفشني مدري وش اسوي معاه وودي لو يهدى شوي اضبط له كل شي بس مو راضي اعلمكم وش يسوي وقصصي معاه ربي يسعده

زوجي ملتزم مررره لادش لا خرابيط ولا لف ودوران حتى النت بالبيت اتابعه احيانا كلها مواقع صحف ولعبة دباب يحبها مره ويقعد عليها واذا سمعت صوت حماسه عرفت انه يلعبها ، او يسولف مع اخوياه على المسن ويضحك ويعلق عليهم ويسالني وش ارد عليه ابي اخرفنه وهو والله ما يدري وش الخرفنه سمع بها ويرددها ههههههههه

المهم

كل شوي ياخذ مسمار وشاكوش ويدق بهالجدران يعلف لوحات وتحف وغيرها بالجدران
يا الله وش الحل معك انت يقول وش فيك علي خليني اعلق هاللوحه ان شاء الله تكون اخر لوحه

ويستمر لوحه ورى لوحه وتحفه ورى تحفه هبل بي

المهم نام وقام الفجر صلى ورجع نام من جديد

وتسلل من فراشه على الساعه 7 وانا اضحك تدرون ليش

لاني شلت الشاكوش والمسامير والدريل وحطيته بموقع ما يدري عنه لو يقلب البيت قلب
لاني حاسه يبي يسوي مشروع جديد بجدار جديد

ولا اسمع حس ولا شئ وانا صاحيه قلت يا الله وش الهدوء الله يستر لا يكون الهدوء هذا الي ينقال عنه تسبقه عاصفه

قمت ونزلت تحت تتوقعون وش لقيته يسوي


قاعد يبدل باللوحات ياااااااااااااااااااااااااه
يشيل هذي يوحطها مكان ذي والعكس

قلت له وش احل معاك

قال برستيج

قلت له اي بريستيج كل كلمه تسمعها ترددها علي

قال واطبقها بعد ههههههههههههههههه


المهم صار البيت مليان صور وتحف اشكال وانواع

قلت له خلاص تكفى والله بيتك حلو وذوقك حلو بس ريح نفسك

ما فاد الحين طاح بالحوش يزرع ويقلع وخلى الحدايق مليانه من كل شئ

الي يسويه زين وتمام بس طفشت

لان اذا الشئ كثر يبيله اهتمام اكثر

بس والله ما عليه قصور ومو مقصر ابد الله يحفظه

بس هذي الي مجنني فيها

ومدري كيف اسوي معه

تصدقون مره نظف البيت وعطره وكل شئ

قلت له طيب دامك كذا كمل جميلك وادخل المطبخ كمل طبعا بمزحه قلتها لانه مزوح مره

قال لي والله يا بنت الحلال اخاف لو اتعود على المطبخ بتقفلينه مثل الشاكوش والدريل الي خبيتيها علي
ههههههههههههههههههههه

ما نسى الشاكوش والدريل للحين

ومت ضحك عليه . بس ابي حل معاه كيف اخليه يهدى ويجلس ويريح نفسه

حتى برنامجه صار

عمل - مسجد - يقضي وقت الحاجه - شغل البيت وشراء تحف وصور وزرع وحاجات مدري وش اسمها ويركب