وش الحل مع بنتي ؟؟؟

السلام عليكم

كيفكم ياصبايا ولو إن مشاركاتي قليلة لكن متابعة يوميه لأن بصراحة لو ما ادخل يوم عالم حواء احس شي ناقصني

استفدت كثير من تجاربكم من خبراتكم ولأني اثق في رايكم ابيكم تساعدوني وتعطوني حل مع بنتي


بنتي عمرها خمس سنوات في الروضة ماشية تمام في المدرسة لين قبل عطلة الحج بإسبوع صارت تبكي وما تبي تروح المدرسه
وبشكل يومي قبل النوم والصبح صياح وصراخ وتبكي من قلب والله تقطع قلبي حاولت انا وابوها نعرف السبب تقول مافيه شي بس انا خلاص ما ابي المدرسه

كلمت مدرستها تقول ماشاء الله تبارك الله اشطر وحده عندي وممتازه ونشيطه ومستغربه وش إلي غيرها فجأة

قلت يمكن وحدة من البنات مضايقتها تقول بالعكس بنتك شخصية قيادية وكل البنات تحت امرها ويطلبون رضها

لأنها (دايم تجيب لهم هدايا ):22:








بعد عطلة العيد زادت وصارت تدق علي المديرة تقول بنتك مره منهاره من كثر ماتصيح حتى تسأل عندكم مشاكل في البيت
قلت لها بالعكس الحمدلله مافيه اي مشكله وضعها مره ممتاز كل شي متوفر لها والدلع كله لها وماعندها إلا أخت صغيره رضيعة

المديره مستغربه وش إلي غيرها تقولي حضرت لهم اكثر من مره درس نموذجي وبنتك ماشاء الله شعله من النشاط تقول لفتت إنتباهي وشدتني بذكاءها وسرعة بديهتها

رحت معها امس المدرسه وجلست معها طول اليوم في الفصل وشاركت معاهم ولعبت معهم وحكيت لهم قصة ووزعت عليهم هدايا طبعاً هذا كان إقتراح من معلمتها وكانت مبسوطة وفرحانه


بس اليوم نفس الشي راحت وهي تبكي وتو قبل ما تنام جلست ساعة تبكي والله تقطع القلب تبكي بمراره وتشهق


تعبت معها مافي شي ماسويته ولا في فايده

امس وانا في المدرسه جتني الوكيله وهمست في إذني تقول حصني بنتك

حتى تفجأت وانا امشي معها في المدرسه كل إلي في المدرسه يعرفونها وبيحبونها
معلمات ما يدرسونها يحبونها وكل ماشافتني وحده تقول إسم الله عليها إنتبهي عليها وحصنيها


ما ابغى اقول عين مع إن العين حق بس ما ابي اصير موسوسه مثل بعض الناس كل ماصار لهم شي يقولون عين


ساعدوني والله تعبت ؟