وش الفروض منا يالحريم والله تعبت ابي اشتري راحتي وين الاقيها!!!

اختي اللحين وش مشكلتك ,,

اذا شغل البيت جيبي شغاله ولا رتبي وقتك وتضبط امورك ان شاء الله

واذا على قعدة البيت سوي عزاايم ولا اطلعي لاهلك ولا جاراتك

وعياالك الله يخليهم لك غصب تحملينهم

الله يعين من شغل البيت اللي مايخلص
بس وش نقول بنحتسبه أجر ان شاء الله
بالنسبه للعيال مستحيل تشوفين رجال يرجع من الدوام ويقابل عياله بيقول تعبان ومافيني عالازعاج وبتضطرين تخمين عيالك وتروحين تلعبينهم بعيد عنه لاتجيهم شووووته والا صفقه من واحد هلكان من الدوام ههههه

هدددي والله كلها الحين كذا حاولي ماتصارخي وكلميهم بهدوء حتى لو مسوين غلط كل ماتصارخي بيزيدووون وادعيلهم

لاتشكي لي ابكيك ..
طيب وش رايك باللي عندها اربع ماشاء الله وكلهم صغار اكبرهم تسع سنوات .. مجننين امي مندوبي ومطلعين الشيب براسي وعندي رجلا مايحب الازعاج او المسؤاليه يهج عنا للمجلس ولا يشوفنا الا على غدا او عشا ويرجع لعرينه واذا جيته طردني بمجرد ان دخلو عليه عياله خمس دقايق يسألون عن شئ ..
اذا طلعنا لسوق قامو يراكضون وانا اطارد فيهم ماشوف ولا اكل ولا اتسوق ..
والله وحده شافتني من الاخوات المصريات بالسوبر ماركت وقفت وسالتني تقولي ازاي ولادك عاملين ايه معاكي في البيت اكيد مجننينك .. يعني الناس رحموني واللي عندي ولا هامه ..
وطبعا يوميا فطور وتنظيف وتجميع حوسه الظهر ثم العصر اذا طلعت صارت شقى لي ارجع افسخ ملابسهم واروشهم اربعتهم
ويالله تغسيل وكرف .. واكره التمشيات سواء سوق مطعم كشته .. لا تقولين احطهم عند احد ماحولي قرايب واهلي بديره ثانيه واذا سافرت لهم اجتمعو مع بزارين اختي وهاتي مهاوشات بينا ..
وكل ماقلت كبروا بعكس تزيد مشاكلهم ولا عاد اقدر اصرفهم زي اول ..
خليها على ربك ياجرنا على تعبنا  ان شاء الله

ههههههه ياحبيلك
انا مثك عندي اثنين الله يصلحلهم ماغير لعب وكوره وتعالي شوفي الهواش
بس رتبت وقتي علشان راحتي
صرت اخلي الغسيل له يوووم ومو كل يوم
اسوي قهوه واضبط حلا واذا جا يطلع اقوله هددهم انهم مايزعوجوني تخيلي بس كذا
واشتريت لهم بلاي ستيشن وارتحت مرره
واررتحت