وش تتمنون من ها الامنيات الغير ضروريه

صباح الخير. بنات خلوننا ندردش شويه عن الاشياء الي تتمنينها وهي اشياء مهي ضروريه خلونا من الزواج والاولاد والمال والوظيفه والسعاده هذي خلوها على جنب هذي الكل يتمناها مافيه شك انا اقصد الاشياء البسيطه اقولكم عني انا مثلاً وش اتمنى اتمنى ان يكون جمب بيتنا او تحتنا او على شارعنا مشغل انا اتمنى هذا الشي واحياناً افكر فيه اقول يا سلام لو كان كذا واذا شفت البيوت الي جنب المشاغل اقول ياحظهم احس المشغل اهم عندي من البقاله او الصيدليه هههههههههه معني ماني مليونيره وراعية ترف وفشخره وكثيرة الطلعات بس افكر اقول دائم اذا كان عندنا مناسبه مشكله عندنا من يودينا للمشغل ومن يجيبنا ومو على كيفي اجيب الكوفيره للبيت لكن وصعبه اروح مشي اخاف واهلي مايرضون لكن لو كان تحتنا المشغل او جنبنا ياسلام كان انزل واسوي شعري وارجع حتى لو كنت ابروح جمعه او استراحه او عزيمه بسيطه انزول واسوي تسريحه بسيطه غير مكلفه. وازين بشرتي واضفاري وارجع للبيت لا تعب ولا شي او اذا كانت امي طالعه مشوار او نايمه اتغيفلها واهج للمشغل واسوي بسرعه وارجع ولا من شاف ولا من دري هههههههههه وكمان لو يزورنا احد من خالاتي او عماتي اقولهم فرصه للي يبي يسوي شي في المشغل ايضاً اتمنى امنيه ثانيه وهي ان يكون عندي دباب او اربع كفرات اروح فيه لم المشاوير وسياقة الدبابات عادي في الشوارع الكل يسوقها اي ما يستنكر على المراه اذا ساقتها في الشارع واذا مافيه دباب عادي حنطور اهم شي اننا نذهب لمشاويرنا براحه ويظربنا الهوى يكون لها طريق خاص انا بنسبه لي اتمنى هذه الامنيتين فا انتم كل وحده وش تتمنى من ها الامنيات الغير ضروريه