وش ذا الطبع اعوذ بالله

السلام عليكم

يا خواتي انا مستغربه من تصرفات هالرجاجيل اللي مهما قرينا من نصايح وطبقناها لكن لا فائده منهم

انا مثلا عندي رجلي انسان ملتزم واغلب اصحابه ملتزمين ويوم هو ماخذني يحاسبني على الدين وهالشي نعمه ولله الحمد وانا اللي طلبت من ربي انسان ملتزم بس المشكله

انه عنيد وصعب المراس على قولتهم يعني الشي اللي يبغيه يسويه لو شو ماكان ولو ما يبغيه ما يسويه

هذا غير انه اذا تزاعلنا مستحيل يجي يراضيني وانا اذا كنت غلطانه اعتذر له بس اذا هو غلطان تدرون وش يسوي

يطنش وانا اتركه يوم او يومين بالكثير وبعدين اكلمه عادي بس ما اعتذر اذا ماني غلطانه

هذا غير انه تغير من يوم ما صاروا معه حريم في الشغل ويكلمهم عادي من غير اي تحفظ حتى اسلوبه متغير معاي

مدري يعني احس في امور كثير متعبتني

هذا غير انه اكثر وقته خارج البيت واذا جا اخر الاسبوع يكون عند اصحابه الى الساعه وحده نص الليل وانا لوحدي في الشقه مع الشغاله ويوم اقول له ما تخاف علي يقول عندك الشغاله
قلت له بدي جارد ماهي شغاله حالها

يعني صدق احيانا فيهم تناقض فظيييع الواحد مايطيق يذكره بينه وبين نفسه

خواتي المطلوب كيف اخليه يجي يعتذر مني اذا غلط علي

وكيف اكسر عناده تراه تعبني الله يهديه