وش رأيكم بالتصرف هذا

السلام عليكم ورحمة الله وبركاته كيفكم بنات حواء كان عندي موضوع من زمان ودي اطرحه لكم وان شاء الله ألقى عندكم الرأي السديد وان شاء الله ماتطيحون في نفس الموقف لي صديقة تزوجت واحد تقدم لها طبعا لما شافه أبوها فرح فيه لانه باين على وجه راعي صلاح علشان كذا ماسال عنه بس طلب من بنته أنها تستخير استخارت وكانت تطلب البنت من أبوها وبإلحاح سؤال عنه لكن كان يقول الرجل بين عليه رجل صالح وان ماتزوجتيه ماراح ازوجك أبد طبعا استمرت على الاستخارة لين تملكت بعد الملكة وهي تجهز للزواج حلمت أنها كأنها جالسه في حديقة أو حوش وجت لها أخته وقالت انه مطلق وعنده ولد في الحلم كانت تعاتب أبوها بعدها لما صحت من النوم قالت لابوها لكن أبوها قام يضحك وقال وينه وين الولد وقالت لاخوها واستنكر اخوهاالحلم يعني ماصدقوها وكانت تقول الأمر فيه شي شنهو مدري المهم يوم حددوا الزواج اتصلت امه وقالت عائلي وتعذروا لان عندهم ظروف طلب والدها بطاقات يعزم عمانها وخوالها قالوا خلاص يوم قرب الزواج قال وين البطاقات قال مافيه بطاقات اول مره اشوف ابو يعزم على عرس بنته مشاها الابو طبعا يوم بقى ثلاث ايام على العرس قالت ام العريس أعزموا اللي تبون وانا ماعزمت احد قالت ام البنت ماقلتوا لنا من الاول علشان نعزم ويستعدوا من بدري خصوصا ان اهل العريس في منطقة وأهل العروس في منطقة بعدها تم العرس بلا طق ولا يحزنون طبعا اهل البنت ارجعوا لمنطقتهم اليوم الثاني بلا عزيمة رغم انهم أغراب ولاشي المهم بعد تقريبا يومين اوثلاثه قال لصديقتي الوالده عازمتك راحت لهم ويوم جاء بعد المغرب كانت امه تسولف كانت تتكلم عن زواجات والمخاسير وعن زواج ولدها الأولي اللي هو زوج صديقتي هنا بلعتها صديقتي ولما جاء بينها وبينه اسالته هل كان متزوج قبل قال ايه قال ان أبوك عنده خبر واللي دلني قايل له اني مطلق بعدين الرجال مايقال عنه مطلق المراه هي اللي قال عنها مطلقه سألته عندك عيال قال حامل قالت بتجيب ولد قال الله يبشرك بالخير مع اني ماني باني عليه الأمل قالت هذا تفسير حلمي زعلت وقال وشلون تحكمين علي وراح تعرفيني بعدين من هالكلام طبعا أسألته عن اسباب الطلاق ماجاوبها قالت ليش ماسويت عرس قال حنا كذا عروسنا بعد مده كانت جالسه مع خواته كانوا يتكلمون عن زواج أخوهم وكيف كان عددهم كبير وزلت أختهم الصغيرة وقالت ان الطقاقة كان صوتها حلو هنا انقهرت عرسها مااحد رقص فيه وقرايبها مطرودين ماعزموا وهو ماعزم احد من جماعته وآخر شي كان زعلان على واحد يقول مااحضر زواجي قبل سنه واربع اشهر قالت صديقتي اي زواج يقصد الأولي حتى أعوذ بالله ما احد بارك لها من قرايبه ولا تلقت هدايا منهم سبب اللي كان يتعذر فيه سبب واهي يوم واجهته صديقتي قال الواحد وده يحط زواجه خاص قالت خاص بس علي هو حط زواج وستانس ولافكر في فرحت صديقتي اللي قتلها هالحين كل ماشافت حفلت زواج حست بغصه لو تطلقت علشان هاسالفه اكيد الناس ماراح ترحم على فكره جاله ولد ويقول بجيبه لك تربيه ورفضت واجهت أبوها قال ماكان عندي علم