ياسبحان الله تدرين انك اهديتيها حسنات ماتدرين عن نيتها وجايه فاتحه موضوع والبنات طقطقه عليها وشماته وانها غيرانه ومدري ايش .! وهي ممكن تكون ناصحه لك حتى لو رفعت صوتها هذا شي راجع لها هي اللي بتتحاسب ..

هي أخطات الله يهديها


انا عن نفسي اشوف كثير وماعاد انصح وهذا ضعف الايمان

لكن اذا شفت وحده منكشف منها شيء وهي ماتدري اروح لها لاشعوريا واقولها بصوت راخي يادوب تسمعني هي
ومرة حرمة كبيرة ماشيه بالمستشفى بين الرجال ومن التعب نازله العباية وباين نصف صدرها
رحت لا شعوريا وعدلت لها العبايه وقلت لها وجلست تدعي لي

الحمدلله عبايتي محتشمه
ومااحب اجلس مع الي عبايتها كانها فستان
في عبايات دنتيل مع الصدر وزم وشرائط وفصوص هذي فستان مو عبايه
الله يهدينا واياهن

قال تعالى ( بل الانسان على نفسه بصيره  ولو ألقى معاذيره ) 

ماشاء الله عليك بصراحه اهنيك انك سكتي انا مااتحمل هالنوعيه ابدا ابدا احس لو انا مكانك كان ياقاتل يامقتول انا وياها بالنسبه لي مااتحمل هالاشكال ولا اتقبل منهم كلمه وعندي اشوف عزرائيل اهون من اني اشوفهم

معليش نصيحه في عياده خخخخخ زين تحملتي
يمكن نقابك واسع
انا اشوف بالمولات اشكال وخرابيط وانا والله انقهر لها وارحمها لانها أخطت على نفسها
وزوجي مايكون معي بس شعور انك تشوفين مسلمات دحدروا في الحجاب يضيق الصدر
بس ماعندي جرأه انصح
الشي الثاني مدري شفيكم على عباية الراس لهذي الدرجه تشوهكم

آخر شي انتبهوا بالله لبناتكم الله يحفظهم لاتتساهلون معهم بالحجاب اشوف كثير منهم يفتشون ومع التصوير
اللحين صار كأنه حلال
شدوا عليهم لاتعطونهم وجه والا تخافون تتعقد ما تتعقد دين الله هو الصح وهو اللي بيحفظهم بعد موتنا بعد الله
الله يستر الجيل اللي بيجي مدري كيف وضعه ...

حديث للفائده عن الغيره

ثبتت صفة " الغيْرة " لله تعالى في صحيح السنّة ، ومما جاء في ذلك :
1. عن أبي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ ( إِنَّ اللَّهَ يَغَارُ وَغَيْرَةُ اللَّهِ أَنْ يَأْتِيَ الْمُؤْمِنُ مَا حَرَّمَ اللَّهُ ) رواه البخاري ( 4925 ) ومسلم ( 2761 ) .