باختصــار يا بنات حاليا مخطوبة لواحد لكن زوجة ثانيـــة له ..
أنا مستحيييييل أوافق لكن مدري سبحان الله جلست أفكر واستخرت وحسيت بانشراح و دي أكمل الموضوع وأشوف خيرة الله سبحانه للنهاية ما ودي أرفض وبس من البدايـــة ..
خاصة لما عرفت الأسباب ان زوجته الله يشفيها تعاني من قصور في إدراك بعض الأمور وحتى الأشياء الأساسية والطبخ و و يعني شكلها كأن مافيه شي بس مع العشـرة تبان الأمور حتى نطقها وكلامها يوضح عليه يعني باختصار تدني بسيط جداا في القدرات العقلية مع انها جدا جميلة ماشاءالله وشكلها طبيعي جداا ...
<< هذا الكلام كله ما وصلته لنا أمه تقول : ماتبي تغتابها لكن تقسم بالله العظيـم انه ما ارتاح ولدها معها ولا تلبي رغباته كزوج و و .. وان ولدها صابر وصبر وحااول معها كم سنة تقريبا ثمان سنوات لكن ما تعدلت وفكر يطلقها بس عشان البنتين تراجع نهائيا عن فكرة الطلاق ...
هذا الكلام من وحده من بعيد تعرفهم زين مررة وتقول : انه فعلا والله مسكيـن وان أهلها الله يهديهم هم اللي غشوه ما كانوا يخلونها تتكلم معه قبل الملكة أبدا وما بان عليها شي إلا بعد الزواج والعشرة معه وانه ما رفضها ع طول حاول تعديلها لكن صعب جدا لدرجة ان حتى خالاتها كانوا يقولون لأمها لا تزوجونها ! ..
المهم : أنا حسيت فعلا أنه محتاج للزواج وأعجبني احترامه لزوجته هو وأمه وعدم سبها لأنها مهما كان أم بناتهم وأعجبني صبره وطوول باله واللي فيه خير لزوجته الأولى ان شاءالله يكون فيه خير للثانيــة ..
<< هذا تفكيــري وقناعتــي طالما اني مستقلة مالي علاقة فيهم والبنتين مع أمهم الله يخليها لهم ..
أنا والله من فترررة أحس عادي لو أكون زوجة ثانيـة إذا الزوج يستاهل أولا وإذا أسبابه مقنعة عادي جدا
بس أمي وخواتي يقولون حرام وتوك بنت وليه !
بس أحس عاادي والله وانا راضية ومقتنعة تهمني شخصية الإنسان بغض النظر عن حالته الاجتماعية ..
لا تقولون انك كبيرة و و لا عمري 27 ما أعتبر نفسي كبيرة يعني أقدر أصبر تجيني فرص حلوة يمكن بس هذي فرصة حلووة بعد الحمدلله من وجهة نظري حاصة ان باقي الصفات والأخلاق و و وأمه محترمه واحترامه للأولى كله مزايا أضفتها له وتغيرت قناعتي اللي أول كنت أقول لااا وبس !
وش رايكم يا بنات ودعواااااتكم الله يوووفقكم ويستر عليكم ..
متواضعة بشموخ @mtoadaa_bshmokh
عضوة جديدة
يلزم عليك تسجيل الدخول أولًا لكتابة تعليق.
استخيري اول شي فوق الكل
واحسبي الخطبه من كل اتجاهات
نا مثلك كنت رافضه ان اكون زوجه ثانيه
بس استخرت وحسبتها وشفت وضعي كيف بكون وش حالي مع زوجته ووافقت الحمدلله
وتملكت ^_^
مبروك مقدماا
واحسبي الخطبه من كل اتجاهات
نا مثلك كنت رافضه ان اكون زوجه ثانيه
بس استخرت وحسبتها وشفت وضعي كيف بكون وش حالي مع زوجته ووافقت الحمدلله
وتملكت ^_^
مبروك مقدماا
زبدة 77
•
هذي اسباب مقنعة ان الواحد يتزوج ثانية ..
انا اشوف دامنك استخرتي وارتحتي والرجال مو كبير وافقي
والله يكتبلك اللي فيه الخير
انا اشوف دامنك استخرتي وارتحتي والرجال مو كبير وافقي
والله يكتبلك اللي فيه الخير
الصفحة الأخيرة
واذا صار نصيب الف مبروك مقدما
وياليت تبشرينا اذا صار نصيب