وش رايكم باللي يصير ببعض مستشفاياتنا

السلام عليكم ورحمه الله وبركاته
اليوم وانا اقراء الصفحه الطبيه بجريده الرياض شفت موضوع عن ستر عوره المريض وفيه نقاط كثيره مهمه لوطبقت كان كلن يروح للمستشفى وهو مطمئن
هاالموضوع يااخوات شاغل بالي ليل ونهار ودايم افكر بحل المشكله ان في ديرتنا مستشفى مايهتم بها الناحيه خاصه في غرف الولاده يعني اللي ما يشتري يتفرج تصدقون يرغمونك على الدكتور واذا رفضتي انقلبوا عليك تقولين عدوه لهم صراخ وهواش وتصدقون والله العظيم حماتي تقول ان الممرضه تضربها مع فخذها وتصرخ عليها تقول ادفعي غصب :angry2:صراحه قهر انك في بلدك وتعاملين هالمعامله
والمشكله انهم حاطين مشرفات سعوديات يعرفن الحريم من اسمائهن وتقول وحده من المشرفات اني اذا شفت المرأه تلد
انقرف منها بعدين :angry2:وغصب عليك عاملات النظافه يدخلن ويطلعن والممرضات اللي مالهن شغل نفس الشي والباب مفتوح على مصراعيه كل هذا وانتي بوضع ماودك يشوفك احد الا اللي لهم شغل عندك والمفروض يسترونك بأسرع وقت ممكن لكن مع الاسف الوضع صاريضيق الصدر
وصراحه فكرت اكلم مدير المستشفى واعلمه اننا محنا راضين بس اخاف مايعطيني وجه
ابغى تفاعلكم وحل من حلولكم يالحكيمات