وش رايكم بحركت زوجي معي؟؟

السلام عليكم ياحوائيات
اببتدي بالموضوع على طول لاني احس مرررررره مظغوطه ونفسيتي تعبانه
ومن قوة الظغط حتى اني نسيت معرفي وجلست ساعه وانا كل شوي عايته وبالاخير ماعرفته الا يوم دخلت ايميلي احس اني ماني قادره افكر المهم
اليوم صار نقاش بيني وبين زوجي وزعل على سالفه احس ماتستاهل المهم بعدها الوضع صار عادي بيننا بس حسيت انه متنرفز من داخله المهم بعد الغداء كنت معزومه عند صديقتي يوم طلعنا قالي اعطيني العنوان قمت اعطيته هو مافهم وعصب علي المهم انا كنت راكبه وراى عند عيالي علشان ولدي الصغير قمت قلت لزوجي اعطني كلنكس قام ورمى العلبه علي وبقوه وصقعتن مع خشمي انا انصدمت من حركته حسيت انه نفس من اول يضربني وجته الفرصه انا من غير شعور رديت عليه لاني مره كنت متحملته وقلت له ياقليل الادب ليش تضربني ليش ماتحترمني وليش وليش طلعت اللي بقلبي وقعدت ابكي هو يقولي انا قليل ادب قلت اجل وش تسمي التصرف اللي سويته وبعدها سكتت وهو سكت والحين زعلانين والبلى ان هو الزعلان اكثر مني كأني انا اللي ضاربته

المهم ابغى يابنات تشجعوني اني اقوي قلبي وماروح اكلمه لاني انا طيبه مره واسامح واترضاه حتى لوكان هو الغلطان صح ان نفسيتي عليه زفت ومالي خلقه بس احس الدنيا ضايقه فيني ومالي نفس لشي لاننا متزاعلين واحس الظغط مره مرتفع عندي وللمعلوميه يابنات انا بغربه ومافي احد يسليني وهالايام عندنا اجازه ومابغى تروح كذا وابغى اخليه هو يجي يترجاني اعطوني حلول وترى زوجي صعب مررررره بس ابي نصايحكم
اسفه كلامي مو مرتب بس ان شاءالله تكونن فهمتوني
انتظركم
ادعولي ان الله يحنن قلبه علي