وش رايكم بهالموقف واذا كنتي بمكان قريبتي وش بتعملي !!!!!!

السلام عليكم

هلا بالغاليات من زمان ماكتبت موضوع اكيد اشتقتوا لمواضيعي :22: واثقه

المهم بدخل على طول بالموضوع تخيلي مثلا مر عليك موقف وهو كالتالي ابي اعرف رأيكم بكل صراحه ....

كلمتي صديقه لك مره غاليه عليك وتعتبرينها اخت لك وطلبتي منها زيارتك بالبيت

وافقت صديقتك وسألتك اي وقت يناسبك رديتي عليها بالوقت اللي يناسبك وقالت لك خلاص بجيك بالوقت الفلاني بعد المغرب .. قلتي حياك الله

مر الوقت بسرعه لبستي عيالك ورحتي لدورة المياه اعزكم الله تغتسلين عشان تلبسي
وانتي فيها دق جوالج ماسمعتيه ودق مره ثانيه ماسمعتيه المهم طلعتي وصرتي تلبسين بسرعه ودقت وانتي تلبسين كنتي منشغله مره فماقدرتي تردين عليها لبستي بسرعه ودقيتي عليها وتعذرتي عن عدم الرد عليها سألتيها انتي وينك قريبه والا لا قالت جيت عند الباب ودقيت مارديتي ودقيت على الجوال مارديتي ورحت انتي صار وجهك كذا :eek: قلتي لها وفعلا انتي ماسمعتي الباب ابد وحتى عيالك ماسمعوه والا كان علموك اعتذرتي انك والله ماسمعتيه والجوال كنتي مشغوله مره وهي جت المغرب وطلبتيها انها ترجع تحاول مع زوجها قالت لا رجعتي تعتذرين لها وقلتي لها ماامداك تبتعدين عن البيت قالت اشوف صكرتي منها وانتي ضايق صدرك مررررررررررررره بعد 5 دقايق رجعت ترن وبسرعه فتحتي لها الباب دخلت وسواليف وضحك وماقصرتي معها من ناحية الضيافه وتعشت عندك والعشا النتي مصلحته يعني اكرمتيها ببيتك وضيفتيها احلى ضيافه انتي حامل وتعبانه فإستأذنتي انك تتمددين شوي لان ظهرك صار يوجعك بشكل كبير ضحكت وقالت ابد لك حق تتمددين تعشت وشبعت بعدين زوجها جاها وخذاها وراحت ودعتيها وطلبتي انها ماتقاطع وهي ابتسمت بالموافقه

بعد يوم واحد كلمتيها تتطمني عليها وعلى بنتها وتسلمي بس كان جوالك مفصول فدقيتي من جوال زوجك رد زوجها طلبتيها قال بعيده بعد شوي دقي صكرتيها فجأه دق جوال زوجك برقمها استغربتي لانك ان دقيتي من جوال زوجك تعرف ان جوالك مفصول فتدق على جوالك مو الجوال اللي دقيتي منه

دق جوال زوجك بعدين قفل مارديتي رجعتي تدقين من جوال زوجك ردو وصكوها بوجهك :angry2:
ارسلتي مسج من جوال زوجك بإسمك قلتي يمكن ماعرفتني عشان كذا تصرفت بهالشكل كان جوالك بعيد عنك مشبوك بالشاحن رحتي بتشوفين شحنه وقلتي يمكن تدق منه لقيتي رساله جديده فتحتيها

وانصدمتي باللي مكتوب :( مرسله لك صديقتك مسج وكاتبه فيه انا عارفه انك فلانه بس قلت الادب اللي عملتيها مافيه حرمه عاقله تعملها ....

انهبلتي وش قلت ادبه انا وش عملت دقيتي ماردت
انقهرتي وجلستي تبكين انا وش سويت خليتيها يوم بعدين دقيتي بعدها ماردت عليك تبين تعرفين وش قلت الادب اللي سويتيها وخلتها تكتب هالرساله اللي جرحتك مررررره وانتي واثقه انك ماعملتي شيء
ارسلتي لها تسأليها وش سالفة هالرساله وكتبتي لها وش صار من دقيتي على جوالها من جوال زوجك الى الرساله اللي ارسلتها لك ...

ارسلت لك انتي قليلة ادب تتمددين عندي وانا ضيفتك مااكرمتيني وغيرت مكاني 3 مرات مستحيل اسامحك وارجع لصداقتك انتي اهنتيني ... وانتي انا متأكده انك قاصده وانتي ماتستحين

انتي عصبتي وش هالكلام الماصخ وهي ماغيرت مكانها ابد من جت قامت تصلي ورجعت لنفس المكان
ولماجينا نتعشى بس غيرته حتى انتي استغربتي رديتي برساله لها وش هالكلام وللأسف انك انصدمتي منها وانك كنتي تعتبرينها اخت مو صديقه وياما خدمتيها وان هي اذا كان عندها كرامه فانتي عندك اكثر كرامه منها وان انتي اللي خلاص ماتبيها ونصحتيها انها لما تصادق احد تحسن الظن بالناس وبصديقاتها لانها ان استمرت كذا ماراح تلقى احد يبي صداقتها بأفكارها الشينه وسوء ظنها .....ز

وش رااااااااااااايكم بتصرفها وانتوا اذا كنتوا مكان هالصديقه مو الضيفه لا راعية البيت وش يكون موقفك من صديقتك اللي جت واكرمتيها وماقصرتي معها وهي اهانتك واتهمتك بحاجه كانت بس في عقلها السيء .........ز

انتظر اراااااااااائكم يالغاليات مع العلم ان هالموقف حصل لأحد قريباتي وجتها صديقتها وعملت لها نفس اللي كتبت لكم وهي مسكينه مقهوووووووره منها الى الحين ومنصدمه ماتدري ليش عملت كذا يمكن غيره او حسد او ماتدري وشي ........