وش صار معاي بليلة زفافي(بداية مأساتي)

صبــ//ـاح الخير لاحلى بنـــ//ــات حــ//ــواء

الليله احساسي غريب
مشاعري غريبه
دقات قلبي غريبه
..
..
..
برويلكم ليلة زفافي وش صار ...:time:
والحين وش صاير..
وماهمني اذا احد بيعرفني من قصتي ولا لا ...
ولا احلل اي نقل لقصتي ابدا


بسم الله نبدا

انا L
عمري 22 سنه ....
وكان الزواج بالعيد

كانت الليله طويله وكنت افكر بكرا يوم الزفاف وش بسوي وكيف بيكون احساسي..
وماجاني نوم وبقيت سهرانه الا حد ماطلع الصبح
واخيرا نمت الساعه 9 ورجعت صحيت على الازعاج اللي عندي
وقمت افطرت وجلست شوي
وكنت اكلم صديقتي وكانت تعتذر عن حضورها
بسبب ان زواجي كان ثاني ايام العيد وهم كان عزومة العيد عندهم
...وعذرتها وبداء الاحباط مشواره معاي
ورجعت نمت الا الساعه 2 علشان استعد لموعدي مع الكوفيره ...
ودخلت غسلت شعري ورتبت الاغراض اللي باخذها معاي للمشغل
...وسالتهم اذا خلصوا بوكيه الورد وقالوا لا
واجتمعوا عندنا حريم وبنات خوالي ورحنا سوا للمشغل..
جلست انتظر بالاستقبال ..

الا والاقي الكوفيره اللي انا حاجزتها لابسه عبايتها وبتطلع
قلتلهم ليش قالوا مفروض تجين الساعه2 مو جايه الساعه4 قلت بس انا حجزي الساعه 4 وتخانقت معهم وقالت صاحبة المشغل انا ماعندي حجوزات مكياج اليوم بصلحك...
وحاولت اني امسك اعصابي وجلست بالغرفه الخاصه بالعروس وبدا تصليح شعري والتسريحه المخيسه اللي ماتناسبت لا مع وجهي ولا مع الطرحه والمكياج الله حق حلو ورووعه
وبوكيه الورد ماضبط ابدا .....جامعين لي كل انواع الورد الخايس ببيوكيه واحد...وبكيت يوم شفته

خلصنا مكياجنا وتسريحاتنا ورجعنا للبيت ...
لبست فستاني مع مزاجي المتعكر ..والكل كان منبهر فيني....

نسيت اقول انه زواجي الثاني....

ورحنا للقاعه وانا ركبت مع خالي ورحت والباقين بسيارة ولد خالي

وصلنا وبديت بالتصوير :27: وهم انصدمت باشكالهم كانوا مررررررررررررررره بيئه مو تعبانين بفساتينهم ابدااااااا ولا بالحفل ولا بالقاعه وقلت يابنت مشي الحال..
وجلست بانتظار عريس الغفله.....:arb:



وجاء وقت وصوله ....

وفعلا دخل ومعه ابوه ....

تخيلوا يابنات انا كنت واقفه وحولي الديكور والمصوره تضبط فستاني وهو دخل ووقت بالجهه المقابله لي بالغرفه <يعني ماجاء عندي ولا حتى التفت وابوه جاء وسلم واهله وهو لا الا ما خواته بالغصب سحبوه لجهتي..

نسيت اقولكم انه حتى هو زواجه الثاني...مطلق يعني...
وبدينا تصوير من دون نطق حرف واحد....
:44:
حتى كل عام وانتي بخير ماقالها...
لاتقولون يمكن ماعجبتيه ....انا ماشاء الله الكل يمدح بجمالي ...

وقلت يمكن مستحي قدام الناس راحوا الناس وبقينا لحالنا والتصوير مستمر وكل شوي يطفي الدي جي ويوقف التصوير ويكلم ...
وخلصنا بسرعه وطلعنا من القاعه..وكانت معنا امي...
لزم عليها الا تروح...وركبها قدام وقعد يسولف معها وانا ولا كاني موجوده


وصلنا للفندق اللي من قبل العرس بشهر واهله يكلموننا انه حاجز فيه جناح خاااص..

دخلني للجناح وطلع طبعا امي رجعت للقاعه مع ولد خالي كان يمشي ورانا

وهو طلع نزل بشته وطلع ...

دخلت انا وشلت عبايتي وفكيت الطرحه وعدلت تسريحتي ..وجلست انتظر

خمس دقايق

عشر دقايق

ربع ساعه

نص ساعه

ساااااااااااااااعه

الا وجاء الا معه كيس وفيه ثوب نوم قال انه طلع للمحل اللي قريب من الاوتيل وشراء له ثوب لان غيراته تاركها ببيت اهله شافني شوووي بس وقال ليش ماغيرتي قلت طيب بغير...

مايحتاج اقولكم انه مانطق ولا كلمه حلوه ولا حتى لمسة يد..
يمكن حتى ماناظر لي...
:44:
بقولكم عن شكله انصعقت يوم شفته طبعا هو 29 سنه مو كبير
وشكله يسد النفس مافيه اي اهتمام بنفسه ابدا مجرد عطر وبـــــــــــــــــس
وجهه مسمر والكرش والجسم اللي الحمدلله بس..
بتقولون ماشفتيه قبل بقولكم لاااااا بس وروني صورته وبعدين اكتشفت انها صورته يوم عمره 25

نكمل الليله السوداء
رجع طلع ....بس هالمره غاب ساعه ونص واكثر....

وجاء الا يفتح شنتطه قدامي الا ولا شي من ملابسه جديد كلها منتهيه من كثر اللبس.....

وجلسنا بالصاله وكان فيه تلفزيون طبعا هو مدري ليش مطفي الضو بالصاله ..؟ مافي الا نور التلفزيووووون
وانا ولا كاني موجوده ...
وقام فتح الثلاجه وجاب عصيرات وجاب فطاير وحلويات وقال الله يسامحه خويي خالد مدري لي مكلف على نفسه وجايب كل هالحوسه..:مايحتاج اقولكم عن تعابير وجهي بذيك اللحظه

شوي الادق جواله وطلع ورجع بسرعه الا وجايب معه قهوه وشاي قال هذا خويي خالد جايبهم
وجلس يكمل اللي بيده اللي(يفتح ظروف العينيات اللي جته)يعني الفلوس اللي يدفعونها قرايب المعرس له بمناسبة زواجه )
ولاحتى التفت لي قمت انا قربت القهوه والشاي وصبيت له وصبيت لنفسي.

والله يابنات حتى كلمه حلوه ماقاله ولا حتى نظره

ومن بعد ماخلص اخذ الريموت وجلس يغير بالقنوات وهو كان جالس بطرف الكنب...كانه خايف مني مدري...؟

شوي الا قال بقوم اغير ثوبي وغير ولبس شورت اسود وتيشرت رمادي اكل عليه الدهر وشرب ...
والا جاء ومعه مخده وقال انه بينام هنا كانت الساعه 2 :mad: يعني مفروووووووض ليلتنا طويله بس لا حيات لمن تنادي قمت وجلسانا على الكنب الثاني وجلست اتابع معه فيلم الين مانعست وقلت بنام ....
شوي الا القيه لاحقني للغرفه ...
وطفى كل الانوووووووووووار بالغرفه مافي ولا نور....
وبدا التميلح عااااااااد ...انا سويت لفلان كذا وانا وظفت فلان وانا ساعدت فلان ...مدري وش دخا هالسوالف يقولها لي..
سكت اخيرا وبدا باللي كلكم تعرفونه...

كرهته يابناااااااااااااااااااااااااااات ولما نام عطيته ضهري وضميت مخدتي وجلست ابكي الين ماننمت...

وجاء الصباح الساعه 7 صحى ...قال انه بيروح يجيب فطور وهو طالع طلع من بوكه 1500 ريال وحطها بصدري وطلع مايحتاج اول انه طلع من دون مايغتسل عن الجنابه ومن دون لا يغير ملابسه اللي كان لابسهم البارح ...

حسيت اني بنت ليل ...
ي اللي بالفلام اذا خلصوا منهم يدفعون لهم الفلوس...:44:
وطوووووووووووول بعدين رجع الا ما معه شي....
وقال لقيت كل المحلات مقفله وطلبت من الاوتيل فطور....
شوي الا وجاء الفطور فول وجبن وشاهي....حامت كبدي بس جاملته واكلت ...عن الجووووووووع ترا ماتعشيت امس<<

بعد ما افطر رجع طلع الساعه 9قبل لايطلع سالني بتانمين.؟قلت ايه بنام..
قال انا بروح لاهلي عندهم الغداء اليوم ويمكن ارجع العصر...
قلت طيب

.....
وانتهت ليلتي
بس مايهمكم

بقولكم بعدين بومواضيع ثانيه وش صار معي ...

بس الاهم اني الحين لي 5 شهور ببيت اهلي تاركته ....يعني مفروض الحين مكملين سنه من زواجنا..

بس ماجلست معه ولا 7 شهور...

يالله ياحلوات قولوا لي رايكم ولو كنتوا بمكاني وش بتحسوووون.؟

هذي تكملت القصه للي ماقراء الباقي..
ياقلبي انتووووو
اناقلت اني تركته من 5 شهووووووووور يعني لاتحاولون تقولون لي فكري فيه خلااااص الطلاق صار من اسبوع
بس انا افضفض لكم اللي صار معي....


بقولكم عنه وعن شخصيته وتصرفاته..

اولا هو انسان مايصــــــــــــــــــــــــــ ــــلي ابدا لدرجة صلاة الجمعه اصحيه مايقوملها الا بعد العصر حت العصر مايصليها يعني من اخذتها ماشفته يصلي مره وحده
والمشكله انه دايما يعطيني محاظرات عن الاخلاق والصلاة والدين...

وليلة الزفاف لاهو مرتبك ولا شي الا كله غررررررررررررررررررور على باله انا ميته عليه
اهله قايلين لها انها بنت مطلقه يتيمه ومن عايله مستواهم الفكري والمادي متدني ..وانك انت احسن منها ...

وبتقولون زوجته الاولى بقولكم ...انهم قالوا عنها كل شي انها مهمله وانا ماتجلس بالبيت وان اهلها يحرضونها عليه وانها اقل منه مستوى....
وهذا كله كذب وانا اكتشفته بنفسي لاني من بعد ماتركته كلمتها وعرفت انه نفس اللي صار معي صار معه بالضبط..
بتقولون انتي ما اعجبك لا انا كل شي سويته له كل شي يخطر على بالكم من ليالي رومنسيه ومن اهتمام ومن طبخ ونظافه وكللللللللل شي بس مايبين بعينه وياحبه للسفر من تزوجته سافر 3 مررراااات....
وكل طموحه انه يسافر برا وانه يعيش ويهاجر برا..ماخذ بنفسه مقلب....

واخر شي يشكيني عند اهلي ..واهله ....هي وسخه ماتهتم بنفسها ولاتهتم بالبيت ولا تجلس بالبيت وبس تبي تطلع ومن هالكلام اللي كــــــــــــــــــــــذب....ن فس الكلام قاله عن زوجته الاولى لدرجة انه يقول ملابسي تجلس شهر الى ما انه يوديها للغسال<<وانا المطبخ يجلس اسبوعين ما انظفه ...<<من العاقل اللي يصدق هالكلام...
وغير كذا
ماعنده اي استقرار نفسي هو بنفسه قايل لي انه حنا ماراح نستمر مع بعض وكل كلمه والثانيه خلاص بطلقك وانا ما ابيك انتي مو من مستواي ...
لدرجة اني فقدت احساسي بالامان معه اخر شي رتبت اغراضي الاساسيه وحطيتها بالدولاب تحسب للظروف وفعلا جاء اليوم اللي قالي خوذي اغراضك وبوديك لبيت اهلك...
<<ومن بعدها يدق على اخوي خل اختك تاخذ باقي اغراضها ما عاااد ابيها ...وهو يدق ويرسل علشان ارجع

وغيييييييييييييييييييييييييير كذا رافض الوظيفه ورافض الدراسه ورافض اجتماعي باي احد ...
وحتى البيت ساكنه معنا امه ...مع ان ابوه عنده بيت طوووووووووووووول وعرررررض ومع كذا تاركته وساكنه عندنا <<عالم بيئه وربي
وامه بس لاتزعلينه لاتسوين شي يضايقه خليه بس يامر وانتي نفذي اهم شي زوجك حافظي عليه ماعندك احد بالدنيا الا هو مدري يمكن مقطوعه من شجره انا ..؟مدري ليش ماعلمت نفسها هالنصايح .؟

وزوجته ماكملت شهر من طلعت العده الا وتزوجت ولد عمتها مدري ولد خالتها.؟
المهم انها افتكت منه...


بليييييييييييييييييييييييييييي ييييييييييييييييز بنات لاتقولون لي وتنصحوني ارجع له انا خلاص تطلقت منه بس اقولكم وش صار...

واي وحده عندها سؤال انا حاظره..؟