وش علاج الاستفزاز الله يفرج همكم

التجاهل ادعي ربي يبعد عنك الاشكال الي تحب تستفز كذا

الحقران يقطع المصران

ليش لازم تردين ؟

ليش لازم تعصبين ؟

ليش لازم تتنرفزين وتولعين على كل حرف وكل كلمه تنقال لك ؟

تظنين انك كذا قويه وانك اخذتي حقك ؟

اسمحي لي اقول انك غلطانه وانك جالسه تضحكين الناس عليك وتخلينهم يحسون ان ثقتك في نفسك صفر

لان الغلط مو في الناس الغلط جزء كبير منه يقع عليك انتي وكيف تتفاعلين مع الناس من شعورك السلبي اتجاه نفسك واحساسك انك ناقصه وفيك عيوب وجالسه تهاجمين عشان تحسين انك عكس اللي تظنينه عن نفسك

يا اختي مو كل نقد او رأي ما يعجبك لازم تهاجمينه !!
ولا كل نقد وكلام لازم تصدقينه وتعتبرينه كلام مقدس !!

وش راح يضرك لو طنشتي ومادققتي ولا استقعدتي لكل حرف ونظره ؟
وش يضرك لو كنتي واثقه من نفسك وحبيتي نفسك بكل عيوبك وسلبياتك ؟

ترى كلنا فينا عيوب وسلبيات لكن مانجلس نحارب الناس ونهاجمهم ليش تكلمو عننا !
انتي محتاجه تكبرين عقلك وتتصرفين كأنسانه ناضجه وطنشي كل كلام جارح وسلبي لا تعطينه اهميه وتصرفين عليه طاقتك ومشاعرك واعصابك كأن حياتك واقفه على رأيهم

علاج الاستفزاز
اول شي الثقه من داخل
وبعدين
التطنيش
الابتسامه ببرود ونظرات الاستحقار لهم
كذا تحسيينهم كلامهم مااهمك
فقط
اسألي مجربه

لا تفكرين كل من يتكلم فيك بيجرحك يمكن يمزح معاك.. بكل بساطه قدمي حسن الظن بترتاحي لجلك ولجل راحة نفسيتك. مثال سلفتك يوم تناظر في بنتك كان قلتي في قرارة نفسك معجبه فيها وتبتسم لها اقنعي نفسك لاتخليني لشيطان مدخل يقهرك وبكذا راح تبردين وتروح الضيقه وحطي بالك انو اذا حد بيجرحك او يهينك ويقلل منك والله تنرد فيه من وقتها👍 الله مطلع على النوايا وهو من يجزي عليها